[21/9 22:13] محمد البراقي الحسناوي: بعنوان :هموم الأوطان
غرامي غرام
غرامه ساكن داتي
حال عيوني ساد وداني
شفت الغاشي خيال
ماشي مع الواشي
متكي على حيط راشي
كاسه مرار
قطران...!
هوايشي هبال
خشيت عنايتي ف راسي
عگدت المصران
بالنفخة شبعان ماشي جيعان
طلوع الجبال
سلاحه ركابي
المشية على
الصبعان......!
العنز بلبال
السكات خوف
معروفين بيه الخرفان
ظلمو الظروف نقصو الصروف
سرقوا الميزان
عمروا جوامع هازين الكفوف
ماتت الغيرة
العداوة بين
الإخوان....!
الدم سايل
القتيلة ف البلدان
هملنا الكتاب
هما حرفو الأديان
طغا
الطغيان.
بغيت ترجع ليام
تنطق الحروف
من قلب الجوف
تمضى السيوف
بالحق ينطق
اللسان....
يا احبابي الغرام
ساكناه هموم الأوطان
الخوت جاحت وتاهت
عوينهم الزمان
على عيب فيك
يا داك الانسان
العالم مكتف
مربع
الدرعان:
20/9/2018
بقلم محمد البراقي الحسناوي
[22/9 07:25] محمد البراقي الحسناوي: بعنوان :بوهالي عقلي سارح
صاحبي يا صاح
نشكي الهم وما جاري
نبكي بالدم
نكحل بيه شفاري
سقاوني كيسان
السم الهاري
عروقي فيهم ساري
نحت نياح...
الضر بين ضلوعي
المحبة تراري
دموع الحب
غسلت عيوني
تمنيت اقدام الرباح
بغيت تحت ظل
داك السالف نرتاح
اشواقي تعمر
الاقداح...!!
عمرت سوق المزاح
لقيت الدفلة حارة قطران
جلود البنان وقشور التفاح
اللب ف الزبالة تلاح
شلا خماج
دخلت رحبة الدجاج
بيبي الهبيل
مقرنص ماد اليد محتاج
المليح باح
وراح...!
يا صاح
حسبوني جايح
الدروب عليها تايه
تالف ع الطرقان
ماقالوا مسكين
تهروسوا ليه جناوح
ديب الغابة نباح
بوعميرة
فوق السدرة
شطاح....
راكب ملاطي بلا حلاس
شاد السفر راحل زربان
نسيت البردعة وشواري
بايت عساس
رعد وبرق نفنافي
سهران الليالي
ونيسي القمر
داير نظاظر
القطن سد وداني
تمتام ورايا هاضر
من الغروب
للصباح...
بوهالي عقلي سارح
وافي ما نحافي
من مكان لمكان
متبع خطوات الزمان
نداوي الجراح
القلب
سماح:
22/9/2018
بقلم محمدالبراقي الحسناوي
[22/9 23:32] محمد البراقي الحسناوي: بعنوان:غرام بلادي
غرامك
سور عالي
ساسه محفور قديم
مفتوحين
دفوف البيبان
الكابر فيها غشيم
طايح عليه الضيم
بلغوها سلامي
ديرو تاويل
نقيو الويل...!!
زرعوها دوالي
علامها راس الجبال
رافع راسو يشالي
عشقي مجنون
دمعت العيون
صبر بعادك
مارضا يعيش
دليل...!
خيالك مايفراق خيالي
ديما ف بالي
تخمامي عمش عليل
الشمس هربت
ركبت
على جناح الغروب
طفات
الشمعة والقنديل
الگمرة
حجبت حجوب
النجوم وراء الغيوم
السحاب
محملة الظلمة
السما ء حزنت
مابغا ت تضوا
تعگدوا خيوط الكبة
كتاب المكتوب
نشوفني محزون
نهار وليل....
حبك يا الهالكني
طير النوم سهران
للاه طلق سراحي
اشواقي حيطان
موشومة الصدر
شعورها حبال
مفتولين
متكين بين الدرعان
همها ثقيل...!
غرامك يابلادي
مدگوگ حروف
منقوش ع الكفوف
شقيت القلب
شفت الكبدة تجدب
حبك ساكن اعماق الجوف
هبالي هبيل
جهدي قليل
الايام مشايةالعام
طويل:
22/9/2018
بقلم محمدالبراقي الحسناوي
[23/9 03:52] محمد البراقي الحسناوي: بعنوان:الوالي سيد الفحلي
علمونا بالصيدة
قصدنا الوالي زايرين
سيد الفحلي
مجاور سيدي يوسف
على كتاف
طريق سيدي شواري
طلبة وعوام الرما خدام
الموسم والسربة
بخور القبة البارود بوحبة
سخن الگوال
جبد ريح الهيوت
كلها يلغي بلغاه
بح الحلق بالتهلال
الغايب مشموت
السلاگ مخالبها
في التراب مرشوگين
دياب الغابة جيعانين
تهاوشت القصرية
لگمة ماشاطت
ليا..
ساعةالمحاين تفوت
لامني الزمان
النية غدرت بيا
الشفاية شفايت العديان
ياويلي
هاد المكتوب مكتوب عليا
مسامحك قبل مانموت
شهدوا يالخوت
الدنيا طيحت
بيا....
كان العشق
ريوگو سايلة
على كفوف الجبال
زهري مايل
مربوط بحبال
تنميت
نشوفو هدا شحال
ترجع السنين
دماغي تاه الديتيه
انتيا...
ساعة المحاين تفوت
نار شاعلة ف الجوف
أثر الكية تلفتيه
وجه المراية قلبتيه
بين يوم وليلة
يا القتالة تبدلت
الحالة
عضامي تصهد فوق الجمر
نشكي همومي البحر
كلامي سمعوا الصخر
نيابك ماضية
مضاوها قلوب الحجر
ابصارهم معمية
عطشان ارويني
جدبان من حر التيهان
شوفي شويفة
طلقي شعور
على كف الصدر
إلا عينك فيا
نغزز اصباع ايديا
الوالي سيد الفحلي
شهود عليك
وعليا:
23/9/2018
بقلم محمدالبراقي الحسناوي
[23/9 06:06] محمد البراقي الحسناوي: بعنوان:الشبان ركبو المركب
يا المالين المكان
شفت جنابكم
كسدة
مجموع عليهم الدبان
بنات اولاد
شاربن الهموم كيسان
الشارع مخدر
نعسان...
كان شباب العرب
في الحركة يجدب
قلوم التاريخ
سبوب تكتب
مدادو نقرة ودهب
التراب معدن نحاس
الجنان بلا عساس
البزولة محنتها تحلب
الايام
ولدت الهم والتخمام
هجروا
البلدان...!
موحال نرجعو لزمان
هملنا الروح
الحق مشبوح
على قبر النسيان
خليني نبكي ونوح
نكمد الجروح
حفرت حفاري
لقيت شلا غيران
جلابة الحنش
جنبها شقفة سم
الثعبان...
الشبان ركبوا المركب
السفر بحور
الجو التقلب
ندمو علاش جاو
تعانقو بالدرعان
الجوف جيعان
حالتهم تشفي
العديان...
سحاب بكات
دموعهم ويدان
الكثير منهم تاه غرقان
كلاتو الحيتان
الغربة مغرب
باله مشغول
حيران...
الخدمة قليلة
بنادم زعفان
الفراق صعيب
ويا الحبيب
وياك من مخالب الديب
ليام تدي وتجيب
شوفو من الحال
يا المالين المكان
23/9/2018
بقلم محمدالبراقي الحسناوي
[24/9 07:05] محمد البراقي الحسناوي: بعنوان :نغمة حسناوية
برد وبرد
برد يا عطشان
سرط الكلام
لجم اللسان
طلق الحجبان
الا كنت زعفان
الصبر باش تكمد
كن ما الحسد
اجاب
حد في حد....
احشم يا الهم
الحق راه مكمم
بير الدوار التردم
سمانا مغمم
التراب مزموم
الباطا يعبر الطرقان
يعفط يزفط
عا تيگدم
حشم يالهم
حشم...
تجبد وتجبد
جبدت كتافي
فتلت الدوم
طلقت سهامي
عياني شافت
اش هاز
المزود..
انت على قد الحال
شحال قدك تمجد
ساكنك الهبال
دافع البخ والجهد
الدموع بكات
تجبدوا الحبال
الحقد هو الحقد..
الشحمة دابت
اللحم تكدد
بنادم تهد
السقيطة فوق الجمار
تصهد...
بعد وبعد
من المحاين بعد
اعطيتي العاهد ماوفتيه
شارطتي الفقيه ما خلصتيه
الدرهم فيه
تحدد..!
السعد فسخ العقد
يجدب جدبة الجد
تحير قصد المجادبة
هل الغيوان
جدبان ف الحلقة تمدد
برد وبرد
برد يا عطشان
براد النعناع كيسان
أجمع الجيران
المجمع يزيان
يتسگد:!
24/9/2018
بقلم محمدالبراقي الحسناوي
[24/9 07:15] محمد البراقي الحسناوي: بعنوان :نغمة حسناوية
برد وبرد
برد يا عطشان
سرط الكلام
لجم اللسان
طلق الحجبان
الا كنت زعفان
الصبر باش تكمد
كن ما الحسد
اجاب
حد في حد....
احشم يا الهم
الحق راه مكمم
بير الدوار التردم
سمانا مغمم
التراب مزموم
الباطل يعبر الطرقان
يعفط يزفط
عا تيگدم
حشم يالهم
حشم...
تجبد وتجبد
جبدت كتافي
فتلت الدوم
طلقت سهامي
عياني شافت
اش هاز
المزود..
انت على قد الحال
شحال قدك تمجد
ساكنك الهبال
دافع البخ والجهد
الدموع بكات
تجبدوا الحبال
الحقد هو الحقد..
الشحمة دابت
اللحم تكدد
بنادم تهد
السقيطة فوق الجمار
تصهد...
بعد وبعد
من المحاين بعد
اعطيتي العاهد ماوفتيه
شارطتي الفقيه ما خلصتيه
الدرهم فيه
تحدد..!
السعد فسخ العقد
يجدب جدبة الجد
تحير قصد المجادبة
هل الغيوان
جدبان ف الحلقة تمدد
برد وبرد
برد يا عطشان
براد النعناع كيسان
أجمع الجيران
المجمع يزيان
يتسگد:!
24/9/2018
بقلم محمدالبراقي الحسناوي
[24/9 09:08] محمد البراقي الحسناوي: بعنوان :كاسي حزين
الكان وكان
راوي الحكاية
قلبي عطشان
تايه بين الويدان
حروف هاد الزمان
وداك الزمان
كان لكان...!
يا سيادي نشكي حالي
قرقبت الخشبة
حصلوا الكرعين
منعت الكسدة
خرجو العينين
اليد باردة
الفاد ناره
شاعلة.....
ياناسي
ناس البر عوامة
صاط الريح
هاجت امواج البحر
تقاضات الفهامة
الحنش هجم ع العش
طار ولد الحمامة
زريبة الخيمة بقات
مظلامة...!
كيف ندير
زهري مكبل
يا العالي فك حبالي
مسكون حال حوالي مهول
اعييت نسال ونسول
رجايا فيك عليك
معول...
كان يا ماكان
يا أحبابي
السنارة يجيها
الحوت بالحزارة
الحبيب خان العشرة
فاضت الكبدة والمرارة
مشات ايامه
خسارة....!
جوفي مع القوافي جدبان
راضي معنق
محايني بزوج درعان
شويفة شوفي وجدي الصينية
شحري البراد ع الرماد
ضوي المكان شطحي كاسي
راه حزين بين
الكيسان:!
24/9/2018
بقلم محمدالبراقي الحسناوي
[25/9 08:58] محمد البراقي الحسناوي: بعنوان:المجدوبة
يالمجدوبة
حالف عشك لابيت فيه
ايامك معطوبة
ردي عقلك يولي ليه
حوالك مقلوبة
لبلاك يعفو عليه
كنت محجوبة
النظرة محبوبة
النهار مضوية عليه
السترة نكرتيها
ريك تالف بين الدروبة
المحبة
تحرمت من زوج
قلوبة...
جاتك النوبة
ضحكوا السنان
تبسيمة مزروبة
شگيتي غابات اويدان
داتك مسلوبة
شعلت العافية بلادخان
مسكونة...
ضاربنك المالين المكان
مجنونة
تاكلي الزاج تغزي الكيسان
البحر هاج
سكرت امواجه
علقو تاج المحتاج
كل زمان وناسه
حياتك
مغبونة....
هادي والتوبة
اغلبتي الفقيه لقاري الكتوبة
لعبك لعوب يا المجدوبة
اشكون يگاويك
خلني نمشي منولفشي
خيطت عقلي جيوبة
المحلوبة حليب
المعصورة دم
عجوبك عجب
يالمهبولة:
25/9/2018
بقلم محمدالبراقي الحسناوي
[25/9 11:26] محمد البراقي الحسناوي: بعنوان:كبت الخيل
كبت الخيل ع الليل
مشاهبك كواتني
نبات سهران
نسقي الورد العطشان
ضوي قنديل
على فراقك ماقديت
شكيت وبكيت
يالعالي شوف حالي
بكاتني الاشواق
دموعي
تسيل....
مسكون دواخلي حنين
حكاتو السنين
عشقت الخليل
حروف الزين ويا مسكين
هلالي شافك حزين
اليد ف اليد
نعيشو نهار
جميل...
غروب الشمس
تشعشع الگمرة
وجدي الرحيل
اللسان ثقيل شالا مايتگال
زهري مايل...
كبت الخيل
مربوطة بحبال تمنيتهم خيال
نلبس دربالة ندير عكاز
الحب هبيل البارود قليل
هواك عليل
مانرضى بالدل دليل
الظلمة كحلت
النجوم سكنت جوف
الليل:!!
25/9/2018
بقلم محمدالبراقي الحسناوي
[26/9 08:44] محمد البراقي الحسناوي: كاسي فريد
وحداني وحيد
بلغو سلامي لداك الوليد
بعادك بعيد
الايام تدي وتجيب
ولد المعزة فرسو الديب
عطيت العهد
في قبر الوالي سيدي بودهب
شعور الزين تجدب
جرحي غارق يالحبيب
عجوبك عجب
قلبك قاسح حديد
انا نشكر ونمجد
عديتك صنديد
غدرت شفتي عدياني
نحطو بالي
تلبسيه جديد......
كاسي فريد
عطشان بين الكيسان
دوك العينين لمخبلين
ديما جدبانين
تمنيتك ليلة مبروكة
نهار سعيد...
بقلم محمد البراقي الحسناوي
[26/9 10:42] محمد البراقي الحسناوي: بعنوان:طرقان البحر
صبري يا الميمة
زيدي ف الصبر
نشوفك مضيومة
دواخلك مصدومة
دموعك نازلة
حجر...
شوفي المراية
حزني حسكي الشعر
خوات الخيمة
الشبان هجرو المدينة
الدوار والدشر..
ركبوا المركب الموج يجدب
سرطتهم طرقان البحر
قومان مظلومة
لمن نردوا اللومة؟
شربوا الملح
توسدو
الصخر....
سافرت الروح
يالخوتي تقاضى العمر
دنيا مغبونة
معروفة بالغدر
الافراح والأحزان مكتوبة
الجو معكر
مابغا يطلع
الفجر...
يالميمة تقطع الدير
ارضنا حرير
خضاري قموح شعير
الحولي الثور البعير
دهب ونقرة جوف البير
بگرتنا حلابة غابتنا غابة
غاب الحكام
العبار معاينة بلا ميزان
بغينا نكونوا شان
الدرعان تعنق
الصدر....
اه ياراسي
توحشت الحمام
لكان يگرگر
فوق داك الوكر
سكران بلاخمر
ياناسي ضاعو الاولاد
قلة الخدمة خواتهم البلاد
بنادم يتشوا على صهد
الجمر:
26/9/2018
بقلم محمدالبراقي الحسناوي
[27/9 01:32] محمد البراقي الحسناوي: بعنوان:الربطة زغبية
الربطة حارة زغبية
البصر أعمى يجيب الدلية
كيف طرا وجرا
موكة لبست وندية
عشقت الطير الحر
الكدية تحتها الشجر
ديك الدار العالية
مزروعة خوخة ودالية
فيها بزبوز النحاس
اعطوني كاسي
احماقي عساس
مقابل نجوم والگمر
هوايا بلا قياس
المعشوق لعشقته
غدر......!
طار النعاس
حال حوالي عواج
ركب الوسواس
ترون المجاج
كاسي وحيد
حزين فريد
من دون الكيسان
تخمامي عجاج
مدفون ف قبر النسيان
نصدقو المحتاج
شواني صهد الجمر
سهران يبانو خيوط
الفجر...
يعجبوني
حروف الزين الصافي
حفرت الدات
نقشتو حب وافي
جنوني فلجة السنين
نعاسي موسد
طرف الجفون
لساني بين الحيطان مكمد
طلقي سراحي
صوني العهد
يا مولات العيون
المخبلين الجدبانين
داوي جراحي
غرامي شفارك لمشوكين
ساكنة بين ضلوعي
بلا شرا بلا كرا
عليك هضار
ياناس العود عثر
الحافر ف التراب
يحفر....!!
رسمتك صورة خيالي
وشمتك على وجه الصدر
نجمة مصاحبة هلالي
هاجت هيجان البحر
عشقتك يا هبالي
دموع تنزل حجر
مشغول بالي
اعطيتني بالظهر
غير شوف وفهمني
جناحي مكسر
ظنيتك عشير
العمر....!
ارحم حالي
نبغيك نخلة
تحلم بلوح وتمر
نحلة شهدها عسل يقطر
وردة طالقة الشعور
تدرع الدرعان
تحت ظلها نتستر
المحبة تفوح فيحان
على بعادك وغيابك
يالحبيب مانصبر
االليل ونيسي
معه نسهر
المدة طالت عام وشهر
حياتك احلى من
السكر:!
26/9/2018
بقلم محمدالبراقي الحسناوي
[27/9 06:09] محمد البراقي الحسناوي: بعنوان:بجاه الله المعبود
كان يا ما كان
كان ابونا آدم وام حواء
منعمين ف الجنة
هدية من السماء
ملك مايبلى
حسدهم الشيطان
تسيف صفة حية
وراهم شجرة
حلف ع الكدوب والبهتان
ثاقو بإسم الرحمان
شعلت النار الحمراء
بدات العداوة
على كفوف الدنيا
تاهو ف الطرقان
المحرفة
والمسرحة نيشان
سفينة نوح عليه السلام
اللوح برهان
الإنسان ع الخشب ركب
حتى الحيوان
عصيان القوم
ولده ف الجبل يجدب
عدابهم كان
طوفان...
سيدنا أيوب
كلا لحمه الدود
صبره اكثر
من القناطر والمدود
سقيم مهدود
ارجع كيف كان
بجاه الله
المعبود..
يا صاح خاف ترتاح
تطلع الشمس من الغروب
تشوف حال الدنيا مرعوب
الحق ما منه
هروب...
حي باقي صوته عالي
هو الواحد العالم
العادل الحاكم
توب يا بنادم توب
القلوم تكتب الدنوب
حنا الخوت ماشي
عديان:!
27/9/2018
بقلم محمد البراقي الحسناوي
[27/9 08:43] محمد البراقي الحسناوي: بعنوان :الله يا اختي
الله الله يا اختي
التغصبتي ف شبابك
الدنيا سبابك
خلتي وراك ناسك واحبابك
حياتي وحياتك
نعاودها لحفار
القبور....
الحيوط ودنين
اللسان طويل
نفوس الشر
شربت الدم المغدور
ناعس بالنهار داوي بالليل
الكسدة ركبت
البحور...
شهقت الروح
سافرت على كف اللوح
بان المستور
الطير غدر
من الدنيا محات
الأثر...
امي يا أمي الحنينة
الجوف مجروح
القهر حمل الظلم
نفد الصبر
الحمل ثقيل...
فهم كلامي رواه
وردة بالهم تراري
المصروف قليل
كيت لجات ف الباه
المصباح ضوه
عليل...
سبولة هبيلة
حصادها بياض الفجر
دراسها حافر
وصيت الصخر
وما رد عليا
الغابة سكنوها ثعالب
دياب مفرنسن النياب
النمر بين عروش
الشجر
بغيت السبع يزهر
الستر مقسم
البصروالرزق مع
العمر:
27/9/2018
بقلم محمدالبراقي الحسناوي
[28/9 03:44] محمد البراقي الحسناوي: بعنوان:زينة البها
كان لكان
موري الزمان
يدور يجي الدور
تبكي السحاب
فراجة لعدا والاحباب
الخاطر حاير
بنادم هاضر
عقول كنا صبيان
كان لكان....!
سقسيت عليك الكبيدة
سولت القفطان
الدفينة فريدة
الكانون بلا مناصب
تشطبت الكشينة
قالو هاجر مسكين
حروف الزين الحنين
منقوش جوف السنين
قوافيه حزين
ضر العشق يبات ينين
دموع الخدود تسيل
شهدو يا الجيران
الغزال تاهت ع الجبال
تلفت مسارب
الطرقان....!
القلب الحبيب
اركب المركب
فوق اللوح هارب
الجدبة تجدب
جبدوا الغيطة والگوال
شافت يمين وشمال
مغلوب وغالب
نطقت الحكمة
على كف الگمرة
شعور الحب
معانقين الهلال
متكين
بين الدرعان....
دگيت الكلام بالتخمام
تحير الحال
فاقت الگلبة
التيلة تعاير الغربال
الناس باعت المحبة بالمال
قالو اصبر دابة تزيان
ماحسو غضبان
زعفان...
حوزت غرامي
هزيت الرحيل
سفر طويل
من غروب الشمس
لعگوب الليل
لاموني المالين
المكان.
قالوا هدا هبيل
تمنيت ايامي وايامك
شجرة بالغلة
تميل.
كان ياما كان
مصاب تعود ديك الايام
مسك وعنبر
نزرعك ريحان
يسقسق الحجر
نسقيك حب ويدان
يازينة البها
منگادت لحسان:
28/9/2018
بقلم محمدالبراقي الحسناوي
[28/9 05:59] محمد البراقي الحسناوي: بعنوان:سلاحي موجود
سعد السعود
من صلبك مولود
تمنيت وترجيت
ديك سوايع تعود
نهديك مشموم الورود
تربيت ف كمك
رضعت البزولة
القلب حموم بالهموم
يا زينة السمية
تفكرت عظامي تهولت
البير مردوم
بغيت يتفكو القيود
بالوفا توفا العهود
تمزرگت بابي حليت
تحل الفم المسدود
بيني وبينك
فتحي الحدود
نفديك بالدم نسقيك
حبك ساكني
سلاحي موجود...!!
سيف هند خلاه الجد
نتبع الاثر ما نقلد
نلبس القد نردع الجهد
الميزان سلطان
الحساب صابون
الضحك يتفرك
مصاحب الأيام
سماح ياصاح
نحضن بالدرعان
افراح وأحزان
نزرع الخير والإحسان
بلية التبليت
سهران الليل
نكلم القرين
غرايب العشق الحنين
عشقت الجبال
ركابي فشلوا تجمعت
لهوال...
بكيت وشكيت
فراق الخليل
نتغبن تغبان الهبيل
حلمت وفقت
لقيت البوح
سمعو قليل
مدبوح مشلل
ماشي مجروح
قوات النبوح
الميت ف التراب مطروح
بنادم ينوح لسانه مكبل
قوافيه قطعت سلاسل
بدلت العز بالذل
الشرفة هزو العلام
حلو القفل
28/9/2018
بقلم محمد البراقي الحسناوي
[28/9 08:09] محمد البراقي الحسناوي: بعنوان :السيبة لا وألف لا
لا بنت للا سلالة
فريدة وحيدة
معزولة ظنوها هبيلة
شفتها عروسة
مسرارة مزينة القبيلة
شلا ماندوي
دغري
ما نتفلا..
هدا المكتوب التكب عليا
عراو الكتاف
الحاحبات العفاف
المظمة حسكة
محزمة مشمرة
محملة عواد قتة
الغبشية
مگمرة...
داگة لوتاد مربعة الخيمة
مالي ياربي مالي
تلجم لساني كندير
قالو العلام
يعمر المواسم
العيطة والسواكن
برح البراح
للصيدة طلقو السراح
الطلبة والعوام
الرما اولا مصباح
ماعمري
قلت لا..
ولا كليت غلة
جيت نزور
دقيت بيبان
الساتر المستور
واش الميت
يهضر ف القبور
يتهز البلا حياتي
تحلا.
المجاج عوج
ماعرفتو منين خرج
رجلين بلارج
كواتني وزادت مابيا
بالي بيا الب يا البا
البيض مارج
ها هو ثاني راه جاني
ريح عجاج
الموج هاج
قل ليه سير الخيل عيات
القلوب عمات
الظلم هرس القلة
السيبة لا وألف لا
28/9/2018
بقلم محمد البراقي الحسناوي
[28/9 14:20] محمد البراقي الحسناوي: بعنوان: عشناها صبيان
الكان من المكان
كان محروث فدان
مزروع بعلافة
محراث خشب
لباسه دربالة
التسباط نعالة
السكنى
نوالة.
العصر التقلب
خفف الخطوات زرب
بنادم ملهوط
الطمع غلب
يبني ويعلي
الحيوط....
كانت الولية
تحكل عيون الحجبان
كانت النقرة الويز
تلوك السواك
ريقها يروي العطشان
العنق مدجة
مربوط...
حنين وعزيز
ريحت لاتوخ وقطران
شعور الشيخات
سالف تالف
في الوثاق مشلوط
كانت السهرة
قوام
وشروط.....
مشات لفراح
جات جراح الاحزان
الفن تكفن
والتدفن
الفنان مابقا ليه شان
مابقا عز
عطات ريحت
الخنز.
ها لكان
الصينية فضة
البراد لدون
الكيسان بلار
الطاس والمقراج نحاس
الفراجة شادين الصف
لملعم يساوي وترات لوتار
الكف يصفق للكف
تعلاق الصرف...
الكحط مكحط
مزلوط...
شرا راحة البال
تصور حياته
غزال آية من الجمال
خياله واطا الجبال
شبعان مال
الجوع ف الكرش
حسب المصران كال
حال ودانه للمجدوب
ولا بوهالي ساكنه الهبال
الجدبان يجدب
القوس يشبح
يدبح العيوط...!
حسبناهم اسياد
القنعة تنزعت م العباد
نساو عادت البلاد
سواعدهم ساعدت الفساد
الهم كثر وزاد
الراحة ضاقت بالعذاب
ماقدرت نميز
بين الصالح والطالح
مانفرز
بين المرضي
والمصخوط......
كان يا ماكان
غير عدي بالكان
عمر داك الزمان
الا رجع كيف كان
حياة حلوة
عشناها وحنا صبيان
القمر رهن الكبوط
شياب وشبان
فلوس الخمر
الداهم زعطوط
تلاوط بين الدروب
كانت الغفلة
تخمام اليوم مليوط
28/9/2029
بقلم محمد البراقي الحسناوي
[28/9 21:44] محمد البراقي الحسناوي: بعنوان: عشناها صبيان
الكان من المكان
كان محروث فدان
مزروع بعلافة
محراث خشب
لباسه دربالة
التسباط نعالة
السكنى
نوالة.
العصر التقلب
خفف الخطوات زرب
بنادم ملهوط
الطمع غلب
يبني ويعلي
الحيوط....
كانت الولية
تحكل عيون الحجبان
كانت النقرة الويز
تلوك السواك
ريقها يروي العطشان
العنق مدجة
مربوط...
حنين وعزيز
ريحت لاتوخ وقطران
شعور الشيخات
سالف تالف
في الوثاق مشلوط
كانت السهرة
قوام
وشروط.....
مشات لفراح
جات جراح الاحزان
الفن تكفن
والتدفن
الفنان مابقا ليه شان
مابقا عز
عطات ريحت
الخنز.
ها لكان
الصينية فضة
البراد لدون
الكيسان بلار
الطاس والمقراج نحاس
الفراجة شادين الصف
لملعم يساوي وترات لوتار
الكف يصفق للكف
تعلاق الصرف...
الكحط مكحط
مزلوط...
شرا راحة البال
تصور حياته
غزال آية من الجمال
خياله واطا الجبال
شبعان مال
الجوع ف الكرش
حسب المصران كال
حال ودانه للمجدوب
ولا بوهالي ساكنه الهبال
الجدبان يجدب
القوس يشبح
يدبح العيوط...!
حسبناهم اسياد
القنعة تنزعت م العباد
نساو عادت البلاد
سواعدهم ساعدت الفساد
الهم كثر وزاد
الراحة ضاقت بالعذاب
ماقدرت نميز
بين الصالح والطالح
مانفرز
بين المرضي
والمصخوط......
كان يا ماكان
غير عدي بالكان
عمر داك الزمان
الا رجع كيف كان
حياة حلوة
عشناها وحنا صبيان
القمر رهن الكبوط
شياب وشبان
فلوس الخمر
الداهم زعطوط
تلاوط بين الدروب
كانت الغفلة
تخمام اليوم مليوط
28/9/2029
بقلم محمد البراقي الحسناوي
[29/9 08:06] محمد البراقي الحسناوي: بعنوان:الجيب حبيب
يامي ها يامي
غريب ف بلادي براني
مالك رمياني مقدمة قدامي
للطرف حيزاني
قفلت الودنين بالقطن
دهنت فمك بالسمن
ديما نسياني...
كثر تخمامي
نسيت الهم ما نساني
عشش بين ظلوعي
سمه سرا ف عروقي
بدلت المرگد
قلت نعيش هاني...
قربت للشجرة نضلل
شربت مرار الحنظل
ظنيت سوايع تبدل
شفت النفوس تتبهدل
لفيا ما هناني
الصابة يالحصادة
شي عزل العز
الباقي عجبوا الدل
يحبو ع الكرش
يقض الغراض يتسل
عاين باين
بالعلالي...
الحق واحل ف الحلق
لا جغمة ما ء لا شدق
الباطل مخنوق
روحه تزهق
المسكين واكل الدق
الكوا الكاوي
قرابه خاوي...
يامي ها يامي
گيدت اللسان
ساويت الحروف
نار شاعلة ف الجوف
قمطهم قوافي
طال عدابي
واش نحزن نخيط كفن
الخيل مربوطة لبغال تحنحن
غمة غمت بكات السحاب
لقيت الجيب حبيب
دقيت البيبان
ولا ردو جواب
حلمت براسي
مدفون ف التراب
شوم الصمايم خياله سراب
تهلا ف ظفرك يحكك
بلاهم بلاني
نكرو العشرة خلاني وعشراني:
29/9/2018
بقلم محمدالبراقي الحسناوي
[29/9 08:51] محمد البراقي الحسناوي: https://youtu.be/i603QyBUBLs
[30/9 04:32] محمد البراقي الحسناوي: بعنوان:مخالب النياب
يا الكبدة كان لكان
يدورو
روايد الزمان
تبدلت الحالة
التبهديلة بين الگران
الغابة فيها دياب
السم مخالب النياب
قريتهم كتاب
قربتهم أصحاب
كان لكان...!
احدية شطاحة
تفرج تفجج
قمقومها اعوج
عشها نوالة
الثيران طواحة
گرون نطاحة
بگرة زواكة
عام بعام طراحة
الباندية لحلاحة
يعنقوك بالدرعان
يشربوك
القطران.....
شفت اخويا شفت
عيوني قشتلت
تمنيتك ما جتي
الجبال فيهم حطتي
هادوك الحبال لقطعتي
ولا سويعة فكرتي
الكبدة حنينة
صعيبة الهيبة
الكاس هرستو الزاج غززتو
كيف الديري ليه وتستريه
المشكل ومافيه
المحبة زغبية
غيابك طال عليا
لشادني العشق لبيا
الخوف خوفان
الزبالة تجمع
الذبان....
كيف ندير
ركبني الهم مازال صغير
جاو جوادي ف الليل
هزوني بالتكبير
من احماقي
تيست.
نشوفك خيال
مصباح عليل
الزين الصافي دبال
الغيبة طالت
الخاطر مهول
عييت نسول ونسال
ماكانت ليك
مادرتك
حسبان...!
سمعت موال
القهاوي هضارين
مشغولين بالحكاوي
لعليهم عوال
لفاعي وحناش
الغدر علاش
يا بنادم الهباش
لبستى جلابة الثعبان
ظلمك طوفان
حملت
الويدان....!!
تعالى ليا تعالى
عمر الوليد ما يحلا
فوق المقلة يتقلا
الضحكة والتبسيمة
المضمة
فوق القفطان والدفينة
نشوفك حزينة
للاه عودي وغني لينا
دوك الحروف الحنينة
نتفكرو ايامنا ننساو الاحزان
كان لكان:
30/9/2018
بقلم محمدالبراقي الحسناوي
[30/9 05:39] محمد البراقي الحسناوي: بعنوان: خالتي الضاوية
حقانية ولدت النضاية
تعمر العين والعناية
عشقت البنات
قلبهم الحنين
وردات الجنان
مضوين الخيمة
كان يا ماكان....
باعو عزهم بالمال
ماگالو عيب
المسخ حرام
الحشمة بدلوها بريال
تگفاظ للركبة
ماشيين بلا حزام
وجوه قاسحة
تقرقيب الكيسان
قالو خدامين خلاصهم
مزيان...
هدا زمان واش من زمان
هبالهم هبال
واش خدمت الحلال
تفوت الكرا ء والشلال
الليل وما طال سهران
الفجر يهل الهلال
النعاس حتى يظلام الحلال
حياة المحاين
والأحزان...
كان شان يا الإخوان
الرجل م الولية حشمان
خالتي الضاوية
ملثمة بلثام
محزمة برزة ولا زيف
ملوية صرة
واشمة النيف وبين الحجبان
معرية الكتاف مشمرة الدرعان
كان ياما كان:
30/9/2018
بقلم محمد البراقي الحسناوي
[30/9 10:05] محمد البراقي الحسناوي: بعنوان:رحيل الموت
يا أمي دمعت عيوني
يا الحبيبة
كنت خليل
قنديل شاعل
نهار وليل
نار شاعلة ف جوفي
تفكرتك صغير
نشكي همي
كثير...
خلات الخيمة
بيك محزمة
القتة مرزمة
الخو والخية
كنت مولات التدبير
ماتت الهيبة
رحلت الركبة الحنينة
كنت متكي
تقطع
الدير..
زرت مقامك بخيالي
قلت يرتاح يهدا بالي
يا أحبابي تهولت
هاجت هوالي
تمنيت وتسنيت
ترجيت ليام
تغني موالي
تصيح غزال من الجبال
يدق الطبل
والبندير...
قطعت لياس
ظلام البيت
تشقف الكاس
الدگدگ شقوف
دوامها اوهام
حسيت وحداني
شحال قدني نحزن
كيف ندير
فراشي حصير.....
الكسوة كفن
الروح شهقت
سرحت ف الاحلام
حسيت بالغربة
شحال تحسرت
عنقت الحيط بكيت
فراشي تراب
غطايا خشب
قلوم السنين تجدب
يا امي رحيل
الموت
سر مستور..
حجاب محجوب
تفرق ما تجمع
جميع البيبان تدق
الكتاب مكتوب
مزمم
الموخود والمسلوب
شفت راسي
طار نعاسي
سمعت زغاريد
فلات الخير
تفيض الخمير
30/9/2018
بقلم محمدالبراقي الحسناوي
[30/9 23:03] محمد البراقي الحسناوي: بعنوان:كسكاس خبيزة
لبغا يكون يكون
عولنا عليه
الباطل حكامو
بالشرع والقانون
كسكاس خبيزة
ولا قمح
ارهوط...
وسواس القبيلة
سبابو المصران
جيعان ملهوط
القلب محزون
طول السنون
ويا مسكين
عايش مغبون
البغال تحرك
الادهم مربوط
سلاح مصدي
متكي ع الحيوط
ماعرفت احبابي
من عدياني
العود لحطبتو اعماني
بقيت
مشلوط...
نوضوها تشطح
دارتها بصح
يا خيي قلة النفس
قاطعةالحس
العراضة والخبز فطح
لبغ يكون يكون
راس مالو كلام
البزطام والكبوط
تلفون تحت الحزام
البيران
والعيوط:
30/9/2018
بقلم محمد البراقي الحسناوي
[1/10 06:06] محمد البراقي الحسناوي: بعنوان :النملة فحلة
هي صحيحة
بحال الخريفة
شحال من مقص
الهيف خلاه يكدد الخيط
وحل ليه الحلق مات جيفة
حفر مطمورة جنب الحيط
مفلسة الكموسة
عليها تكمش
الناموسة لقحت الكرموسة
تريكت هبش
مفرشة الدص
كبرو اولاد الحنش
تحت الدفوف
قاطعن الحس
المصروف يتحسس
ماد الكفوف
يبندق يتبحلس
الظروف تجسس
الظلمة
سرطت الگمرة
نجوم تتهمسس
ناره شاعلة ف الجوف
الصبيان تنعس
الطويل الهبيل
تخمام نعاسو الفلس
قالو الزهر مكفس
اشكون لما عندو خليل
يضوي بالشمعة
يقلب ع الدمعة
بالفتيلة والقنديل
السالف مطلوق
مسرح مفطح
راكب جناح الليل
لسان الغرام
قطع الكلام
خطواتو ثقال الجهد قليل
النحل شريف
القرص قريص
وقت البرد وحلة
النملة فحلة
تصيف وطمر العولة
الدبان ويل
بنادم فيه الزين والويل
والبوهالي لهبيل
1/10/2018
بقلم محمدالبراقي الحسناوي
[1/10 07:50] محمد البراقي الحسناوي: بعنوان:العاهد
راب الجرف
تهيشم الجبل
حكمت الظروف
تقطع الحبل
سكاتي نطق
تطلق الجوف
توتش الجمل
لكوات القلب
بقات خيال
شواتو بلاحطب
خلاتو جدبان
موشوم ع البال
طلت اشواقي من الدفوف
الجدبة تحيرت
تجدب وتندب
تقطعوا الوترات
طاح الميزان
حصلت بين الكفوف
بردوا الكتاف
توسدت الدرعان
قاسيت
العداب....
جات النوبة خانت العاهد
نغزت الضبرة صخرة صامد
كتبت السبوب
بخرت الكتوب
دفنت تحت العتبة
حجاب
ظنت قفل يحل كبل
الباب.....
عجبك عجوب
يابنت الشريف
البوهالي المجدوب
بوك ماحصلناعليه كدوب
باب التوبة مفتوح
للاه توبي
خيطي ثوبك مع ثوبي
دنوبك دنوبي
حب كلامي حبوب
السر يالمسرارة مفظوح
تنهدت التنهيدة
شفت شويفة
الزين غاب..
هاجت الحروف
نطق لسان البوح
مسكين حزين
سبابو الغرام مجروح
بدل الصح
بالهتوف...
لبس نعالة اوندية صوف
التستر
ما رضا يبقا مكشوف
حزم الكرش
مصران على مصران ملفوف
درويش ناقص مصروف
غريب لا خي لا حبيب
غطاه السحاب
فراشو التراب:
25/9/2018
بقلم محمد البراقي الحسناوي
[1/10 10:29] محمد البراقي الحسناوي: بعنوان :هدا زمان
هدا زمان واش من زمان
القلوب عمات
تاهت ع الطرقان
البگرة ترضع بنتها
الدجاجة
خسرت الحضانة
الفروج تهرسو ليه
الجنحان...
شابات وشبان
حسكو نواضر
نتفو الحجبان
خرجو لها نيشان
جاني النوم سندت
بديت ف لحلام سرحت
شفت سمرة عيونها
كيسان..
الخدود احمر
شفار مغطين الجفان
الفم قالب سكر
السالف للركبة
عبقاتني
الدرعان....
فاحت مسك وعنبر
تحير الخاطر
قربو المجمر
غياري زعفان
عطني العاهد وماوفاه
تسيف
ثعبان..
فقت خير وسلام
حسيت حلقي ناشف
الغرام عطشان
تخمامي تالف حيران
شگيت غابات قطعت ويدان
بنادم التلهط
طول ليام فگعان
خايف من الزلط
بنادم رخاس مابقا ليه
ثمان....
غرست الجنان
وجدت الغلة ظنيتها تزيان
لقيتها دودت جمعت الدبان
خمج التفاح والبنان
الكرموس تسوس
العالم يعلم
بالرمان...!!
كان زمان
واش من زمان
كانت النفخة شان
الخاوة بين الجيران
الجوامع رباو الصبيان
يوم العيد
الجمع مجموع
فرحان...
هدا زمان واش من زمان
اليوم تحرمو
البيبان من الدقان
سمعو يا الاخوان
مبقا ايدام كل شي زربان
جمعو جلايلكم
خرف الفدان:
1/10/2018
بقلم محمدالبراقي الحسناوي
[2/10 10:47] محمد البراقي الحسناوي: بعنوان:صروفنا نعوت
لسانك لسان
منو عانيت قاسيت
تاكل اللحم حسبتك جيعان
فيك ما تشفيت
تشرب الدم قلت
عطشان..
سايح
جايح ف دروب التيهان
سولتك
ردتي اللومة للشيطان
تفكرت وتفكرتك
على كلامك مسؤول
عنقيه
بالدرعان..
.
باركة من العلول
صفي النية
باب التوبة محلول
تفكر داتك فيها دور وجول
المعفي: المهبول
النايم الصبيان...
ياداك الحنين
كلنا تايهين غالطين
في الدنيا وما فيها
بكات الأفراح
ضحكت الأحزان
على كفوف
الزمان....
هادي حالتها
مشات ايام وجات ايام
بقينا حاصلين بين الاوهام
نسينا دار الدوام
كل واحد فينا
على نفسه قوام
في داك المقام
العدل ميزان
تنطق الحكمة
تظهر البسمة
على وجه
الإحسان...
لسان لجميه
حل الودن وصغا
الفم زميه
فتح الكتاب واقرا
لتغوتيه جريه
ياك احنا الخوت
تابعنا الموت
علاش صروفنا نعوت
فينا شلا بهوت
شوف المراية
نسا المكان
تخيل زوبية نيران
واقف حيران
داك اليوم
جدبان:
2/10/2018
بقلم محمد البراقي الحسناوي
[2/10 10:48] محمد البراقي الحسناوي: بعنوان: هدا شحال
هدا شحال
ماسولتي فيا
سولت الجبال
مشيت بين المسارب
سلكت البحور
عشقت الرمال
الدهبية
سقسيت يا الغزال
طالت الغياب
تخمامي مقهور
طالت المدة
اليوم العشرة والصاحب
من المحبة
هارب...!
غير رجع
وحكي الاسباب
نقتلو الغرزة
الحيط المشروك
التكيت تشقق
مقدارو تراب
الكلام المشكوك
تغربل ف الغربال
عاد رويناه
الاحباب....
الغا حلا
الها يتفرق
المعقول ف الخلا
مسدود عليه الباب
السر التفظح
موكة تشطح
يا الگنس الحفيان
شبعتكم
ماتشبع الجوف الجيعان
صينيتكم محاين
مفرقة الجيران
العيفة المعيوفة
عطات الريحة
مجنجگ الدبان
السدرة زريبة
الكسيبة ف الكدية
الكلاب تنبح
فرسوهاالمخالب
تبعت الأثر بقا الشك
بين الكلاب
والدياب...!
هدا شحال
صورتك خيال
مرسومة ف عينيا
ديما ف البال
كيف ندير حتى ننساك
جاني الهبال
تهت ع الطرقان
دموع القلب تسيل
نهار وليل
هجرت بلاسبة
الجرح يبرى
كلام العيب
بين الحجبان مرسوم
القلب حموم
كتاب المكتوب
طويت صفحات الكتاب
قاسيت عانيت
كرهت حياة
العداب:
2/10/2018
بقلم محمدالبراقي الحسناوي
[3/10 19:51] محمد البراقي الحسناوي: بعنوان:بغينا السلام
بغينا السلام
تخبلت الحبال
تكمش الخاطر
الهموم بحور
المسكين محگور
صوت البارود
خلاه خوفان مدعور
اليوم عليه
غدا يجيك الدور
الحاضر يبلغ الغايب
قولو لقبيلة الهبيلة
الظلم مشكور مگعور
ضايفوه دبحو ثور
عجبهم عجب
مصايب الحروب
عجم و عرب
حروف الباطل تجدب
تكمم العلم
سجنو القلم
التاريخ يكتب بالدم
الإنسان
تايه وجايح
حيرة غيرة
دواخلو تتعدب
من المحبة
عطشان......
يا هل السلام
طلقو الحمام
الفرحة تركب الجنحان
نساو لكان
يرجع الغريب الغضبان
ترجع نخوة الأوطان
كيف كانت
زمان:
ا3/10/2018
بقلم محمد البراقي الحسناوي
[4/10 06:51] محمد البراقي الحسناوي: بعنوان:نزلت الرحمة والغفران
كان ياما كان
هاج البحر
السفينة شردت
رمال البر كشفت
كانت السحاب باكية
شهقت الروح
دنوبها بالدموع شاكية
شميت التراب
دقت العداب
عشقت الزمان
نتخايل البوح
من عين المكان
خديت صورة م الخاطر
نحاول نحكي الماضي الحاضر
نغسل همي نمحي اللوح
نحنش المزيان والعيان نفاجي
الأحزان....
القلم تحت باطي جدبان
ماحكا اخباري
ولا خرج اسراري
نكلم الليل ما طال
نشوف الهموم جبال
مربوط زهري ملفوف بحبال
بغيت نداوي الجروح
جمعت رزمة الحروف
عبقتهم بين الدرعان
حسيتني
غضبان....
شفت البايت والصابح
الواقف الطايح
مقسمة طروف
الباين الواضح
مخلطة بشوية الهتوف
كاين لملبد تلباد الصوف
عمر الدنيا لگودت نيشان
تقلب وجهان...
حكمت الظروف
هاجت المحاين
تهرست الگدرة
طارو الشقوف
تنتفو شفار الحجبان
صيفنا شتوا
ربيعنا خريف
المصايب والغرايب ويدان
هزيت الكفوف
طلبت السماء
نزلت الرحمة والغفران...
كان لكان
خلفت الخلفة
بردعت البهيمة
ندهت بلا شكيمة
حطبت م الغابة عيدان
حشيت قصبة الخزران
نصبت السنارة
صيدت الحيتان
رجعت للمعشوشة
طاير فرحان
كان ياما كان
عقلت عقول
الصبيان:
4/10/2018
بقلم محمدالبراقي الحسناوي
[4/10 06:52] محمد البراقي الحسناوي: بعنوان:خيل بني حسن تجدب
تعالي وتعالي
الشاغلة بالي
الكية مكوية
بنار الحب
الوالي سيدي سليمان
زين اسمية
خيل ابني حسن تجدب
مقدم السربة ركب
شعور تشالي
زاد هبالي
التراب كريم حنين
فيه النحاس
النقرة والدهب
تم قبور الوالدين
الساكن بين الغابات
بهيت تيهيت
سبو سلطان
الويدان....
راني جاي
يا مالين المكان
نبرد ليعتي نتفكر ايام زمان
ردو الغلاي
وجدو الصينية والبراد
توحشت ريحت البلاد
الخطوات بعاد
شديت قنت البيت
تفكرت احبابي
شحال بكيت
تهولت
الأحزان....
مول النوبة ينوب
يعفو ويتوب
يصرف المكتوب
راح الليل وراح
كاين شي گراح
تعالي وتعالي
فكي حبالي
داوي الجراح
اسقني كيسان
من داك البير
غطني بسلهام حرير
راني يالحبيب
من غرامك
عطشان:
4/10/2018
بقلم محمد البراقي الحسناوي
[4/10 06:52] محمد البراقي الحسناوي: بعنوان : مولاي عبد القادر
مولاي عبد القادر
يا بوعلام
مول السر الخافي
قطعتي بحور اويدان
غابات صحاري
عشقي عطشان
سولت الايام
قالت لبغداد هاجر
خلا العفطة آثر
حماقي هبيل زهري عثر
بيك عايروني
تكمش الخاطر
قصدت كهف النسور
عنقت العقبة
جيت نزور نعنق القبور
غبت سنين
تفكرت البو الحنين
المي الحبيبة
جدة زينة التبسيمة
عليهم نشكي نبوح
راني حزين
حبكم بين الدرعان
شميت ريحتكم
فرحان....
خدامك الوالي
مولا عبد القادر الجيلالي
عرب وشلوح
جيت نداوي حالي
قلبي مجروح
يرتاح بالي
نشوف قبري مشبوح
طلعت التنهيدة
شعلت نار ف الجوف
الليرة تنوح
قربو المجمر
احبابي الحال تحير
باغي موس نحضر
نسيح الدم احمر
الگناوي معلق اللوبان
دبحو النحيرة
وجدو المسوس
بابا ميمون جا من
السودان:
4/10/2018
بقلم محمدالبراقي الحسناوي
[6/10 22:59] محمد البراقي الحسناوي: بعنوان:ميرة المجوبة
شهمت الفقيه
لقاري الكتوبة
غير خلوني
غدروني ما هموني
دارو لي جدول
بغاوني نهبل
ربطوني بسلاسل
بكبل كبلوني
خيالي طل
شربوه الحنظل
خلاوني مشاو
نهاري كحل زحل
محايني
عدبوني....!
لبعاد عدروني
عشراني
بالحماق تهموني
الشموع طفاو
الحباب گفاو
بقيت فريد الوحدة
قاتلاني....
تنهدت التنهيدة
فاضت الكبيدة
وخا جلاوني
طلقت
تخمامي ع ربعة
ضربني حمار الليل
شفت الگمرة
تلمع جوهرة
محرفة شكارة
الظلمة
حزينة فگعانة
سحاب فرحانة
الضبابة غضبانة
ولفت
محايني...!
غير خليوني
حال هبالي هاج
غززت الزاج
غاب المجاج
لقيت السعد عواج
بخروني المالين المكان
بالفاسوخ وصلبان
الجاوي المكاوي
رجع القلب لمكانو
ميرة المجدوبة
طالقة الشعور جدبانة
بقيت حيران
الغرام گناوي يجرح
يداوي:!!
6/10/2018
بقلم محمد البراقي الحسناوي
[6/10 23:00] محمد البراقي الحسناوي: بعنوان:نسا الكان
ما نلوم الزمان
نلوم نفسي
لتاهت ع الطرقان
هواسي وسواسي
الضر روحاني
الحال سماوي
سباب المحاين
والأحزان..
حرث فدان زرعتو
حصدت الشوك وبلعمان
بنيت خيمة
جات الحملة
الرحيل مشا مع
الويدان...!
هجرت المدينة
عاشرت الدوار
بانو لي النجوم بالنهار
عشقت الجمال
قصدت الشمال
سلبوني العيون
زرقين سايلين
شلال من الجبال
يرويو
العطشان....
ما نلوم الزمان
نلجم تخمامي
نوصيك يا صاح
راجع الايام
الماضي فاني
لاتقربيه ثاني
خليك مرتاح
لتحتك قمطيه
من البرد حضيه
حسبيه من الصبيان
نسا الكان ولكان:
5/10/2018
بقلم محمد البراقي الحسناوي
[6/10 23:00] محمد البراقي الحسناوي: بعنوان:علقاتو مولاتو حجاب
ضرني خاطري
قالو يعميه
الثقة ف الرجال
من الصغر نسمع الموال
گلت الوليات لسانهم ولوال
مشات ايام وجات
شفت العجب غرام الشياب
قلبهم كفيف عشقهم عداب
تيشوف الزين تيلبسو الهبال
حديثه ع الحرام والحلال
سباب الزيغة الجاه والمال
دور العوام ترد السلف
تشرف التلف التخرف
الطيح السومة تفكر حلومة
فين كنت هدا شحال
المرا الدات اللومة
كاين الرجل لعيونو حول
مايحس حتى الصحة تجفل
البگرة تطوف الفحل
كلام المعقول
درستكم ما الطيب
مايدريوها مداري
عقولكم عقول دراري
واش الجد
يتزوج حمرة الخد
عيب وعار
يعبر عبارو شابو نواظرو
يرضي بالمكتاب
يخلي زرعو يثمر
يحصد الغمار شوال
شاب وعاب
علقاتو مولاتو حجاب
5/10/2018
بقلم محمد البراقي الحسناوي
[6/10 23:00] محمد البراقي الحسناوي: بعنوان:الدار الكبيرة
خيمة الله يخلف
عمرها ما تخرف
الزريبة الغنم تصيح
الكلاب ع الباب تتنابح
منصورة تاج القبيلة
الضيفان
عشوية وصباح
البراد والصينة
المحبة ف الكيسان
باقن ف الدنيا ناس زمان
بالجود والكرم
ورثو النخوة والشان
بالتواضع
رأسهم بين القبايل مرفوع
يا لطيف من البخيل
جيبو شبعان جوفو جيعان
فرحات العفيف
مايحس بتكليف
عمر بيرو مايوكح
ولا ينشف:
5/10/2018
بقلم محمد البراقي الحسناوي
[6/10 23:00] محمد البراقي الحسناوي: بعنوان : الحريگ
الخبز والراحة
شدني الهبال
الميمتي باعت الكسيبة
عمرت الجيب بالمال
هجرت الدوار
قصدت
مدينة ف الشمال
بانو لي الحراگة
على كتاف الجبل
تنگدم كيف الجمل
قطعت الغابة
كثرو الديابة
مات السعد
الما ف الركابي برد
تقطع الجهد
قلت نبدل المرگد
الشدگ
عليه نقلب....
نقطع لهيه تزيان الحالة
ندير ما دارو الوالة
نبني دار
نريب النوالة
بقات فيا الميمة مكوية
مشوية بالنار
على صهد الجمار
تتقلب
الكبدة فاضت
ابكات عيون
القلب..
بسلامة رانا غادي
بلغو سلامي لبلادي
يا احبابي
راها حب غرامي
دواخلي تتعدب
الفلوس لعندي
موحال تكفيني
ركبت ف المركب
هاجت المواج
الريح يجدب...
البحر تبخر ضبابة
سحاب كحلة
طاحو أوراق الشجرة
المركب غرق
الروح شهقت
بين ليلة ونهار
رجعت الكسدة للدوار
عمر المش ما يهرب
من دار العرس
جناح العزري مهرس
طول ليام معبس
بالراحة جنابوا طابو
العظم تسوس
گعبوبو تقوس
هدا زمان العجب
كان ايامنا نقرة
ترابنا دهب:
5/10/2018
بقلم محمد البراقي الحسناوي
[6/10 23:01] محمد البراقي الحسناوي: بعنوان: سولت عليك
سولت عليك الليل
والنجوم والقمر
ماردو جوابي
بعاد الخليل
شاغل بالي
غرامي هبيل
سقيم عليل
عشقي الخيل
السالف طويل
الشعور تجدب
تحضر..
مع الشمعة نسهر
مليت
الأحزان والوحدة
خاطري خاسر
همومي ب القناطر
العين غطاها الشفر
ماهموني ناس العار
عانييت العداب
شربت مرار
القهر...
تمنيت ترجع
الشوفة تشبع
مانسيت
العشرة يالعمر
صديتي گفيتي
عطيتني الظهر
لسان رطب
يعطب حلو سكر
حشومة
الوجه مقمش
مطلي بالعكر
تغدر الطير الحر
ماعمر احدية
تلبس ريش
النسر...
سولت عليك العاشقين
جفون الساهرين
لا حد خبرني اخبار
قابلت البحر
اتسنيت زهري
غبر ماظهر
بقيت نتحسر
شكيت ضري للصخر
دموعي سالت حجر
عييت ومليت
سالا الصبر:
4/10/2018
بقلم محمدالبراقي الحسناوي
[8/10 10:40] محمد البراقي الحسناوي: بعنوان:كان زمان
كان يا ماكان
كنت صقر
من الصقور
كان زمان
بين اصحابي
ليا شان مشكور
طاير ف السماء
قمقومي ف الماء
نقطع ويدان وبحور
العش ف الغابة
طالق الشعور.....
مهاجر صياد
من بلا بلاد
ضاحك مبشور
في وجه الحساد
قلت عشراني
غواوني كنت
غالط مغرور
اخواو جيابي
ظهري مكسور
ندبولي بشقوف
غرايبي تشوف
دارت الايام نكروني
نتفت لي الجدور...
ساسوني رماوني قشور
حسيتني حگروني
حسبوني سطل مگعور
الدنيا كواتني زادت مابيا
ماظنيت بنادم يدور
كان يا ماكان
كن انسان ك النحلة
ترعى ع الزهور
لسان حر
بالحكمة يقطر
الغدر العيب
الحقد مرض خايب
شحال من علام
لابس سلهام
عيونو سهام
يطيحو الحمام
وزرزور من فوق الصور
يفرق كيسان الدم
المغدور:
8/10/2018
بقلم محمد البراقي الحسناوي
[8/10 10:42] محمد البراقي الحسناوي: بعنوان:الجيفة
الجيفة العيفة
لكان قرابو على كتافو
دالع ف الدواور
عطار حمار وشواري
قنطر من الدهب قناطر
عمر من الفضة
شواري...!
هو الظلم
مول الهم
الصهيوني الماسوني
مول الرعب
ليل ونهار يجدب
يسجن يهدم يريب
على الغريب
نتكلم...
شحال من مسلم
ملاهي بعظم
طاغي مغبون
في جنابو يكدد
العدو ملعون مجبد
يقتل ما معتارف بحد
مجنون...
الجيفة
كشفتو كشيفة
قاري حسيفة
الله يا امي فلسطين
القلب عليك محزون:
8/10/2018
بقلم محمد البراقي الحسناوي
[9/10 00:09] محمد البراقي الحسناوي: بعنوان: راك غافل
وداك الغافل
الدراع گاضي
اللسان ولوال
من المحبة جافل
كنت نسول مهول
قطعت الياس
تهرس الكاس
لكنت عليه عوال
الخيل مكبلة بسلاسل
الباطل مشرج لبغال
معمر المكان
حاجب الگمرة
والهلال..
زارع فدان غدر
ما يحصدوه مناجل
رواه مايطيبو حافر
الدرسة بردت تلوكت
ما ايدروها امداري
اللوح مانگوه ناصل
المسكين بين رجليه
حاصل.....
الشطابة من السدر
الصابة طوب وحجر
الغابة حسكوها المناشر
السماء غيوم
تخسر الخاطر
سحاب بكات بالهم
الهموم سكنت
بين الجلدوالعظم
الصدق غاب مابان
غيابو طوال
فينهم ناس
لحلال....؟
الليل مزيناه النجوم
اليوم بنادم خيالو مضيوم
مفتون مشغول البال
مال الميزان طاحو كفوفو
عبار الإنسان جيوبو
يشوف مايلحق
عيونو تحوال....
راك غافل
الراحة هنا ماشي مال
الحكمة هبال
مكتوبة ع جلد الغزال
الكنوز ف جوف الجبال
الحلاوة الداها النخل
العدل عند النحل
العقل عند النمل
يا لي تخمم
الزين الا زين لفعال
جبد وترات الكلام
طلق داك الموال
8/10/2018
بقلم محمد البراقي الحسناوي
[10/10 01:07] محمد البراقي الحسناوي: بعنوان:الزين كواني
أمي گلبي أمي گلبي
الزين كواني
مشا وخلاني
نبات النادي
الكية هجرت
بين الخيام تعطر
الجو معكر
المحاين نقاسي
زادت على مابيا
تهرس كاسي
تلفو اشقوفو
طار نعاسي
كلها حاز زهرو
خلاوني وحداني فريد
غريب وبراني بعيد
زهري اعور عطاني
بالظهر....
كرهت الضر
جمعت الرحيل
راح الليل
بانو نجوم الخليل
قابلت البحر
حالي تحرحر
شفت القمر احمر
شعاعو عليل
طالق السالف
متكي ع الصدر...
حسيتني محگور دليل
عقلي تايه سايح هبيل
الشمعة تدمع ريوگها تسيل
بكات دموعي نزلت حجر
كيف ندير حتى نصبر
الحبيب عليا
معفر...
كان السعد سعدي
مگودو ب ايدي
تنهدت التنهيدة
من جوفي
شوكت طلع شوك السدر
تبوريشة تفكرت عشرة
العمر...
أمي گلبي امي گلبي
بغيت الكية
تمنيتها
جبح النحل يقطر
بالعسل الحر
يكون لسانها
رطب حلو سكر
نخلة تحلم بالتمر
خلوني نتحير
جنوني مولات الوشام
لون البشرة أسمر
10/10/2018
بقلم محمدالبراقي الحسناوي
[10/10 02:12] محمد البراقي الحسناوي: بعنوان:بنادم أجعر
كانت بلادي حنينة
نظرتها زينة صورة جميلة
نار شعلت ما بغات تطفا
مالك حزينة بيك ماسخينا
لاجماعة لا برلمان
مهمشين
القرية والمدينة
نومهم ثقيل
غرقان....!!
يا اسيادي
طغا الطغيان ضاعو شبان
شي ف البحر شي منتحر
بنادم أجعر لغلا يقهر
نخسة بين ضلوعو
غضبان....
الحرف تحير
جيبو لقلم والمجمر
الجاوي وصلبان
باغي نتبخر
بقا فيا الحال
ولد الطير الحر مشمر
موكة بنات العش ف الشجر
غراب هبش جبح النحل
دياب لحست العسل
الترعة صغيرة
لكرشو كبيرة وحل
فرقوها العديان:!
10/10/2018
بقلم محمدالبراقي الحسناوي
[10/10 02:24] محمد البراقي الحسناوي: بعنوان:بلادي
كانت بلادي حنينة
نظرتها زينة صورة جميلة
نار شعلت ما بغات تطفا
مالك حزينة بيك ماسخينا
لاجماعة لا برلمان
مهمشين
القرية والمدينة
نومهم ثقيل
غرقان....!!
يا اسيادي
طغا الطغيان ضاعو شبان
شي ف البحر شي منتحر
بنادم أجعر لغلا يقهر
نخسة بين ضلوعو
غضبان....
الحرف تحير
جيبو لقلم والمجمر
الجاوي وصلبان
باغي نتبخر
بقا فيا الحال
ولد الطير الحر مشمر
موكة بنات العش ف الشجر
غراب هبش جبح النحل
دياب لحست العسل
الترعة صغيرة
لكرشو كبيرة وحل
فرقوها العديان:!
10/10/2018
بقلم محمدالبراقي الحسناوي
[10/10 07:31] محمد البراقي الحسناوي: بعنوان: عرات اللثام
الحب جوهرة القلب
الا نفر تيعطب
حروفي تجدب
ليعتي نسطر ونكتب
نسيح المداد..
بنت الزهاد
نقزت الزرب
شافت شويفة خفيفة
وگفت وگيفة
طلت من الدفيفة
محملة لكلام زاد...
بصيرتها كفيفة
عماها الغرام تبسمت تبسيمة
خطوات القدام قلت عفيفة
تغبر النقرة ف النحاس
هادي عشرة الدوام
ظاهر بنت الناس
سلبني السالف
غري سواد...
خلات هوايا تالف
رمقوني الشعور
خطفتني المراية
بقيت مبهور
دقيت الباب
معايا لقراب ولبعاد
بديت حياة جديدة
اعطيت العاهد
شهدت العباد...
حسبوني مسحور
المكتوب كتاب
علقت المدجة حجاب
بنيت الخيمة دگيت لوتاد
جنبهم الزريبة
جاورت الغابة والواد
ماضارب حساب
الفران الخوت
دناو ليه العواد
الحقاد الحساد...
تسيفت
فاقت م لمنام
تحرفت م بغات تقاد
تجبد تجباد
عرات اللثام گفظت الدفينة
هزت بالة م الكشينة
من هبالي
ظنيت قارية حسيفة
فكوني الجواد
سلعة فالسة ضربها
لكساد:!
10/10/2018
بقلم محمد البراقي الحسناوي
[10/10 11:43] محمد البراقي الحسناوي: بعنوان :بنت الحادگة
بنت الحادگة
ماترضى بالدل
زينها يهبل يخرج العقل
تكمم العجل
تحلب البگرة
تسگ م البير ب سطل
تورد الكسيبة
تشطب الزريبة
الفدان بالعتلة تعتل
تگلع الشهد من جبح النحل
طمر للبرد كيف النمل
تسق الورد ليدبل
تسنا زمان ف العتبة
حتى يدخل....
ماتخاف من ظلام الليل
عشقها مأصل
قلبها حنين هبيل
گمرة نورها يشعشع ب الليل
شغلها متول
الرجل عليها يعول
تشرج تركب الخيل
تحط ف عينيها
الخليل....
خليني من البايرة
تولد الدل
تمضغ لكلام
لطل راسو يحصل
درع گاضي بحرا تململ
مقابلة المراية تسوك وتكحل
ياويل ليقرب
يوحل:
10/10/2018
بقلم محمدالبراقي الحسناوي
[11/10 01:55] محمد البراقي الحسناوي: بعنوان:جامي ننساك فلسطين
فلسطين
قبلة المسلمين
جامي ننساك
ديما العقيل معاك
هوايا التراب
يازينة الاحباب
يالمي الحنينة
يا زينت اسمية
يالحزينة
كل شي بالمكتاب
يا نور العين
نفكر فيك نهار
وليل....
نشوف الشهداء
دموعي تدمع
تفزگ خدودي تسيل
كيف ندير ننساك
انت شمعة الدنيا
والخا جهدي قليل
تمنيت نزور قبر جدنا
ابراهيم الخليل....
جامي ننساك
ولا يرتاح البال
بغيت يتحرر المسجون
يتفكو لحبال
تسرح الغزال ف الجبال
يفرحو الشجعان
يمسخ الباطل
يتبهدل الطغيان
الحق يصول
ويجول....
تصفى القلوب
بجاه الرحمان
تجمع الخاوة بين البلدان
يتعادلو كفوف الميزان
نشرجو الخيل
نمضيو السيوف ندقو الطبول
صهيون تخوي لمكان
غرامي يا امي فلسطين هبيل
ساروت البيت المهجور
دليل:
10/10/2018
بقلم محمد البراقي الحسناوي
[11/10 06:13] محمد البراقي الحسناوي: بعنوان : بابا ميمون
بابا يا بابا
بابا ميمون
الحق تاج
معادل
لمرفح والمحتاج
في الصدور
مصيون
الباطل عجاج
بحال البحر الا هاج
عفط عليه تحت القدام
كداب ملعون
مدلول مغبون...
بالغدايد نغزز الزاج
نرجع لمجاج
نتفكرو ليام الزينة
راه الزمان عواج
ساكني جيلالي
سايح جايح
طالق جناح بوهالي
يا المجاديب
عليكم بالترحي
بالبعيد والقريب
الصاحب والحبيب
خليو درسة
الجدبة الطيب
يبرد القليب
يجدب
لمعقل المجنون
يا حبابي ف عظامي
مسكون...
نشوف الحال تحير
شعلو المجمر
طلقو الجاوي وصلبان
الگناوي جدبان
معلق اللوبان
شگيت غابات أويدان
قصدت المرجة
لقيت عايشة
لابسة وندية
فرحانة ومعبسة
مقلزة فوق الكدية
خيالها طالق الشعور
خلاني مبهور
دمعت العيون
سبابها
الحزون....
بابا يا بابا
غاب الزين
بقات حروفو
تنهدت من الجوف
هزيت الكفوف
شكايا وبكايا
سمعو السمك
هضر الزيزون
بابا ميمون
جا م السودان
مالين لمكان
للاه طلقو سراحي
داويو جراحي
غرامي م المحبة عطشان
بين الحيطان مسجون
مدة من السنون:
11/10/2018
بقلم محمد البراقي الحسناوي
[11/10 10:56] محمد البراقي الحسناوي: بعنوان:الوالي سيدي قاسم
الوالي سيدي قاسم
بوعسرية زين الماسم
القلوب مسلمة
طالبة التسليم
قبيلة الشرفة اولاد دليم
يعمروه القبايل
طلبة وعوام
المدفون بين الجبال
جيتك زاير
صغار الخاطر
من بلاد بعيدة مسافر
نفاجي لهوال...
جيت نغسل
همي راه بالقناطر
العلام شرج الادهم
جمع السربة المقدم
الجدبة ف القبة
تحمش الخيل
البارود بوحبة
الشيخات عگوب الليل
تعالى تشوف الزين
شوفي عليل
دموعي تسيل
الوالي سيدي قاسم
رسامك مقام
يحوم عليه الحمام
شريف مخلخل
شراردة وبني أحسن
ناس الفن
لمأصل
بين بهت وسبو
الشعور مطلوقين
العينين مخبلين يجدبو
لوثواق مضويه الخليل
نعاسي ثقيل جهدي قليل
يالوالي العقل
هبيل:
11/10/2018
بقلم محمد البراقي الحسناوي
[12/10 03:43] محمد البراقي الحسناوي: بعنوان:المرشح
اسمع يا المرشح
يتحزم لبغا يشطح
عاق الشعب
موحال ينفع الخبز الفطح
ماينفع الا الصح
مابغا يبرا
الجرح..
اسمع كلامي
راه سخن الطرح
ما تهنا ولا البال يرتاح
تساين عشوية وصباح
حتى البراح يبرح
يبارك النجاح..
تدخل لجنان تسرح
دبالت الوردة
العود مربوط ف لمراح
طفا المصباح
السبولة والكتاب غير الناب
ديب الغابة نباح
بوعميرة هو الشطاح
قولو للغدار
الا ربحتي قلبي
سماح....
واه واه
الصندوق اشكون خواه؟
الانتخاب قرب
نوصيك عليا ماترگب
عيتينا بالكدب
ليل ونهار تجدب
تقنا ظنيناه حب
ليخمم نعطيه حايكي
البگرة طرحت عجل
كانت تحلب سطل
غرز اضرع
الطمع مسرطها
من البزولة ماقنع
بغينا واحد
يشد طريق نيشان
يكن إنسان
يبان الإصلاح
ينشط الكساب
والفلاح...!
ياصاح
اخبارك ف القبايل مشنوع
كاين العريان والحفيان
ولكرشو ساكنها الجوع
البير نشف ماه
حبل الدلو تقطع
راب التراب
التردم التهدم
جات ف المصگوع
الشناق كلامو زواق
لنجح ما بقا ليه رجوع
لجات فيه يقل اح
الله يطلق
لسراح:
12/10/2018
بقلم محمدالبراقي الحسناوي
[12/10 06:26] محمد البراقي الحسناوي: بعنوان: عايشة
هاهي جات هاهي جات
خرجت من كهف النسور
تهولت جات تزور
طلت م القبور
طالقة الشعور
بكات الحجر والصخور
مولات الواد
السالف وراها مجرور
تحت ركابي هواد
تبسيمة طويلة وجه مبشور
تبري كيف صينية لجواد
زينة مسرارة
طاح سر السرور
لسلباتو يبق مبهور
مجنون مجعور.....
جات عايشة
عزمت وبرگمت
بخرت الحجوبة
ملكت الفقيه
لقاري الكتوبة
بطلات السحور
ريوگو سايلة مسعور
تكشف البير المستور
جدبتها جدبة
عيونها طيحو الزرزور
من فوق الصور
بقا فاهي ينقي نيفو
م القشور....
جات المحبوبة
شفت زينت البها
ما يكسد ولا يبلا
تسنيت جاني الدور
سكني غرامها بين الظلوع
نقولها براسي مرفوع
بقيت ف الدروبة
عند الناس مشنوع
حبها ف جوفي مزروع
تحيرت شميت البخور
لقيت راسي
نحلب ف سطل
مگعور....
الزين لكواني
مشا وخلاني
رضيت بالمكتوب
ما نفعو سبوب
غوفلت ولبست
دربالة المجدوب
ركبت السفينه
هاجت أمواج البحور
خملت تخمامي ف كمامي
سمحت ف الكسرة
تبعت الكسور
ظنيت عشقي يعيش منصور
تغريت ركبني الغرور
رماتني ف الثلث الخالي
بقيت مهجور:
12/10/2018
بقلم محمد البراقي الحسناوي
ليست هناك تعليقات:
إرسال تعليق