السبت، 27 أكتوبر 2018
بعنوان:الوالي سيد الفحلي
علمونا بالصيدة
قصدنا الوالي زايرين
سيد الفحلي
مجاور سيدي يوسف
على كتاف
طريق سيدي شواري
طلبة وعوام الرما خدام
الموسم والسربة
بخور القبة البارود بوحبة
سخن الگوال
جبد ريح الهيوت
كلها يلغي بلغاه
بح الحلق بالتهلال
الغايب مشموت
السلاگ مخالبها
في التراب مرشوگين
دياب الغابة جيعانين
تهاوشت القصرية
لگمة ماشاطت
ليا..
ساعةالمحاين تفوت
لامني الزمان
النية غدرت بيا
الشفاية شفايت العديان
ياويلي
هاد المكتوب مكتوب عليا
مسامحك قبل مانموت
شهدوا يالخوت
الدنيا طيحت
بيا....
كان العشق
ريوگو سايلة
على كفوف الجبال
زهري مايل
مربوط بحبال
تنميت
نشوفو هدا شحال
ترجع السنين
دماغي تاه الديتيه
انتيا...
ساعة المحاين تفوت
نار شاعلة ف الجوف
أثر الكية تلفتيه
وجه المراية قلبتيه
بين يوم وليلة
يا القتالة تبدلت
الحالة
عضامي تصهد فوق الجمر
نشكي همومي البحر
كلامي سمعوا الصخر
نيابك ماضية
مضاوها قلوب الحجر
ابصارهم معمية
عطشان ارويني
جدبان من حر التيهان
شوفي شويفة
طلقي شعور
على كف الصدر
إلا عينك فيا
نغزز اصباع ايديا
الوالي سيد الفحلي
شهود عليك
وعليا:
23/9/2018
بقلم محمدالبراقي الحسناوي
الاشتراك في:
تعليقات الرسالة (Atom)
-
[13/10 11:32] محمد البراقي الحسناوي: زجل بعنوان: ليام مشاية الوقت زربان كان يا ما كان قصة غريبة تجيهم عجب لو رويناها للشبان للسوق قرا...
-
[21/9 22:13] محمد البراقي الحسناوي: بعنوان :هموم الأوطان غرامي غرام غرامه ساكن داتي حال عيوني ساد وداني شفت الغاشي خيال ماشي مع الواشي...
ليست هناك تعليقات:
إرسال تعليق