بعنوان:إنتخابات
اسمع يا المرشح
يتحزم لبغا يشطح
عاق الشعب
موحال ينفع الخبز الفطح
ماينفع الا الصح
مابغا يبرا
الجرح..
اسمع كلامي
راه سخن الطرح
ما تهنا ولا البال يرتاح
تساين عشوية وصباح
حتى البراح يبرح
يبارك النجاح..
تدخل لجنان تسرح
دبالت الوردة
العود مربوط ف لمراح
طفا المصباح
السبولة والكتاب غير الناب
ديب الغابة نباح
بوعميرة هو الشطاح
قولو للغدار
الا ربحتي قلبي
سماح....
واه واه
الصندوق اشكون خواه؟
الانتخاب قرب
نوصيك عليا ماترگب
عيتينا بالكدب
ليل ونهار تجدب
تقنا ظنيناه حب
ليخمم نعطيه حايكي
البگرة طرحت عجل
كانت تحلب سطل
غرز اضرع
الطمع مسرطها
من البزولة ماقنع
بغينا واحد
يشد طريق نيشان
يكن إنسان
يبان الإصلاح
ينشط الكساب
والفلاح...!
ياصاح
اخبارك ف القبايل مشنوع
كاين العريان والحفيان
ولكرشو ساكنها الجوع
البير نشف ماه
حبل الدلو تقطع
راب التراب
التردم التهدم
جات ف المصگوع
الشناق كلامو زواق
لنجح ما بقا ليه رجوع
لجات فيه يقل اح
الله يطلق
لسراح:
12/10/2018
بقلم محمدالبراقي الحسناوي
ليست هناك تعليقات:
إرسال تعليق