الثلاثاء، 20 نوفمبر 2018
[٢:٢٦ ١٢/١١/٢٠١٨] الحسناوي: بعنوان: يا لعمر هاديك محايني طليتو اخضر ولد الجدبة داك المجدوب شي عيون يجرحو اللون اسمر هاديك مصايبي خلاتني نتشوا نتصهد ع الجمر..... طار ناعسي كثر تخمامي نتفكر المحبوب السالبني لابس لحمر شگ غابات اويدان جايني يتمختر... عقلي مسلوب وحدي نهتر شوفو العدو واش دار فيا الخيمة رابت عليا هز شطايطو واسمح فيا دموعي طاحت حجر.... هز شراوطو واسمح فيا باغي يرتاح مني شفني ساكت صابر كامي الضر نبرد النار شربت لمرار عانيت القهر... تمكش الخاطر لا بغا يفهمني يحس شويا واش بغا عندي راضي بالمكتوب مكمد الضر جات الفاس ف الراس العظم الا تهرس يتجبر... داوي نحكي لبحر خيالي مشغول الكية جات ف الحجر لدازت مرسومة ع البال منقوشة ف الصدر على فراقك مانقدر يالعمر: 11/11/2018 بقلم محمد البراقي الحسناوي [٨:٥٧ ١٢/١١/٢٠١٨] الحسناوي: بعنوان:غاب الزهر غاب الزين وبقات حروفو تهرس الباب تشقفو دفوفو ساط الريح طارت الرملة بقينا نشوفو نشكي البحر دموعي تنزل حجر كلها وحالو.... الليل طالق جناح على كفوفو طاح الميزان مسروقين صروفو حزين الموال غرامو هبيل معشوق ف خيالو.... الناس قالو مالو ساكنو لهبال العقل مشغول القلب يكمد جروحو.... يا عشراني جوف المحبة شبعان الهم برا يلوحو لحزان بين الجلد ولعظام هدا زمان واش من زمان كثرت محاينو.... شهقات روحو شحال يدورو لحكام لسونهم تريب الجبال حتى التراب داب طوبو... نشف البير لكنا منو نسقيو ما نشربو هجرنا الجامع بقات غير سميتو غاب الزهر لتمنيتو كلها وكيتو لمجابتو المحبة يكحز لهيه يصفي نيتو: 11/11/2018 بقلم محمدالبراقي الحسناوي [٨:٥٨ ١٢/١١/٢٠١٨] الحسناوي: بعنوان :السلطان كان ياما كان شفت ف الكفوف كان الجوع بوهيوف المصران ملهوف المحاين شتا وصيف كانت السيبة كان الخوف الباطل باين قبيلة تهجم على قبيلة يعزلو الحادگة لتقرشل الصوف الحگرة يا فلان... داك الزمان كانت الزريبة مفضوحة لابيبان لا دفوف كانو الفرسان خيلهم تجدب شلوح وعرب سبابهم الحب عشق الارض ساكن الجوف الخونة يا لخوان باعو لوطان صرفوه صروف الاستعمار حاربوه الشجعان.... موحدين الصفوف معمرين الكتوف جا الاستقلال رقصت الحروف نزلو الرجال من الجبال القوافي فرحانة عانقت لعلام تحرت لبلاد رجعت الهيبة رجع السلطان كان يا ماكان: 11/11/2018 بقلم محمدالبراقي الحسناوي [١١:٥٠ ١٢/١١/٢٠١٨] الحسناوي: بعنوان: گول حاه گول حاه قبل مايجي الطير أبوجعران البحاير وقت تيحمرين يطل الصيف يجيب صمايم الحنش يسخن گفاه...... الضيف خريف وراقو طاحو الساگ معريه الباركة ف العود جدورو شداه... شحال منهم جمعو الدهب الدنيا على رجل تجدب بنادم عمالو تبقا معاه...... واه واه سلباتو الشعور فمو فاهي مبهور جلالو مجرور وراه..... حتى ارض ماقداه الحمام نتفو ريشو تهرس جناحو محبوس ف الرسام ليام زايداه... كيف الدير مع الظالم الموت تابعاه ليام تحكم تخليه يندم لهبيل بالطمع شارياه... يبكي بالدمع منها ما يشبع يطير الزواق جوفو ساكناه.... لدا شي الداه كون كانت تدوم تدوم لقارون وفرعون كل شي مفهوم لقلوم مزماه لقوافي فاضحاه.... مول الكون عالي ف سماه علاش محزون المكتوب يتصرف على طريقك ما يتحرف رزقك انت مولاه.. لاثيق في البحر ولا ديرو رفيق ولفو يغدر حالو وهواه.... الصديق وقت الضيق الوفا بالعهود تلقاه مسامح مع النفوس مصالح الكرم والجود وارثو من الباه: كلها يطحن ف رحاه يعجن المونة لتكفاه عيونو محلولة المراية شايفاه... گول حاه سبق العصا الكسدة بير كرشها تتوحم ع الجيفة ضسرت العيفة تخنس وتحسس موراك تشفا الويل تتمناه مول النية السترة ساتراه: 11/11/2018 بقلم محمد البراقي الحسناوي [١٨:٣٤ ١٢/١١/٢٠١٨] الحسناوي: بعنوان: سمحي ليا يا امي سمحي ليا يا أمي بيك ماسخيت سبابي هم الدنيا لبسني ماعرفت باش تبليت.... بيا غير انتيا هجرت بلادي تلفت آثر اجدادي ترابها لحبيت عنگتو بالدرعان على بعادو زعفان على فراقو ما قديت.... بليتو بليا حرگتو زادت عدابي تنهدت التنهيدة فاضت دموعي شهقت روحي شحال تحمشت تكفست مالحقت لتمنيت..... طلقت الغوباشة مسحت بوحي بردت نار جوفي داويت جروحي نفعني البكا لبكيت... رواو اشويا غير فهموني قلبت نخدم مالقيت شدوني جنوني ركبت المركب البحر هاج كتاب المكتاب لمحاين تصرفت.... سرحت بيا رياح صاگت لمواج بانت بلادي الحنينة تاج سولت راسي رخيت انفاسي شفت ف كفوفي زهري اعواج دواخلي تألمت... عشقك اثر فيا كبيت الكاس غززت الزاج كبدتك الحنينة حاسها حزينة ليام حرنت ما رحمت... سمحي ليا يا أمي طول الجبال عياني ركابي فشلو قهرني الزمان تهديت الوحدة قاتلاني حملت الصبر ظهري التضبر اعييت: 12/11/2018 بقلم محمدالبراقي الحسناوي [٩:٣٣ ١٣/١١/٢٠١٨] الحسناوي: بعنوان:احي احي احي احي حسكو النواظر طولو اللحي لبسو لگناضر الساگ معري... شعلو المجامر وجدو الرحي عمرو لغلالي ولگنابر بضاض يرشي راح الليل وغربت الشمس شعاع الگمرة مضوي... ردو لفرارح الحادگة ف العجينة تلوي هرسو للفروج جناح الضيف الا مشا مايولي.. الدغل ف الجوف هز للسما لكفوف الحروف تبوح تنوح عنقها مسلوخ كيف الطير المدبوح بالكشوف كشفت لوجه لمخبي.. احي احي على قهرت لمحاين الكية ف القلب تحيرت ف حناكها تندب جنابها تكدد القلم يجدب ويسبب يعري لمغطي يداوي لمسطي اللسان مافيه عظم يتمتم واقف على قدم العقل مشغول مسكون بميمون بخروه بالجاوي المكاوي يا هل الحال هدا حالي: 9/11/2018 بقلم محمد البراقي الحسناوي [١٨:٢٥ ١٣/١١/٢٠١٨] الحسناوي: بعنوان:شهقت الروح اشكون شاف الشمس ملي كحز خيالها بين الظهر والعصر صدت بالظهر عطات وجها البحر وقفت وغوبشت عيونها حمارو نقشت صورتها ف الماء بان لهلال هي تغبر لهلال عشقاتو الگمرة دخلاتو جنب عرشت ف السماء الغيوم غطات النجوم الظلمة ظلامت الغرام طلق الشعور الليل طول م الحنش سكاتو حزين كلامو ف كمو مكمش حديثو حنين السر ف السحور عساس على خيوط الفجر شهقت الروح الصباح رخا الجناح كيف الطير المدبوح البوح مجروح ولد النعجة عليه بالصبر يتهلا ف نيفو ينقيه من القشور: 12/11/2018 بقلم محمد البراقي الحسناوي [٢١:٢٩ ١٣/١١/٢٠١٨] الحسناوي: بعنوان: من الكان من الكان جبدت رزمة معگودة بحبل مضرگة بجبل تفكرت لفراح فاقت لحزان كانت قمار مضوي لمكان شعورها غمار مشبوحة ف الفدان... دگاتها شوك السمار رطوبية ف اللسان ضربتها ماتخلي أثار تمشي على كرشها كيف الثعبان.... دني لعواد للفران تشعل النار تصهد القلوب على صهد الجمار الا تعشقت تم فين بقات نخلة تحلم بالتمر كيف النحلة تزنزن فوق الزهر الفايدة حناك الدفلة خدود بلعمان.... العيشة ف الكشينة تحرار شحال ماطال الليل يطلع النهار دير ف الحسبان دواير زمان تولي حكاية من حكايات الكان يهيج البحر يتگرع جوفو غضبان... الزهر بيا عثر التكويت وبريت نزلت دموعي حجر تهرسو الجنحان على كفوف السنين الغدر منقوش على عروق الصدر لمحاين صورة مرسومة بين الحجبان شحال قاسيت كملت بالصبر عانقت الهموم بالدرعان حسبت النجوم مع كلامي سهران:!! 13/11/2018 بقلم محمدالبراقي الحسناوي [١٤:٣٨ ١٤/١١/٢٠١٨] الحسناوي: بعنوان: الجماعة شفت يمين ويسار رمقت الكان قلت نسولو على ناس زمان القبور تهولو بانت لي الدنيا بحور مواجها طالقة لعنان العهد كدوب محزم بالطغيان.... فيها نوايل مجمعن العديان سواري عالية وراها قصور شي عطاتو بالو مرتاح شي لكرشو زواتو بالصبر يكمد لجراح النار شاعلة هما يدنيو العيدان.... العوامة يعومو في السما (ء) بلا ما (ء) ربعو رباعة فتلو الدوم زلگوه كلام فصلو لحكام عشاونا ع الرية هما كلاو الطيحان ماگالو بنادم زعفان... مافي قلوبهم رحمة نتفو العريان خلاوه محير جدبان مشطو اللحية لبسو الجلابة والسلهام النثوات خرگو زيوفة عراو لكتاف نتفو الحجبان تحرفو السيكان..... من الحبة دارو قبة برح البراح عمرت القبة بين العشية والصباح غربت الشمس ظلامت الظلمة طوال الليل القنديل ضوو عليل قلنا نشعلو المصباح لقيناه غضبان.. الجماعة طواية قالت باح تلاح المصران شبعان مستور العيفة يحطب الجدبة تجدب تگلع العروگ م الجدور تهرس الكاس طارو اشقوفو الحب ليسقينا بيرو واكح عطشان اه عليك يا بلادي يا زينة البلدان شحال ملوي عليك من ثعبان: 14/11/2018 بقلم محمدالبراقي الحسناوي [١٤:٣٩ ١٤/١١/٢٠١٨] الحسناوي: بعنوان: نكون عنتر حلمتك طفلة تمنيتك عبلة عشرة العمر عيون مكحلة بالمرود الوجه وجه السعد الفم براد اتاي السنان قالب سكر ملقم بالعنبر.... يا المسرارة منك السر يقطر بالعكر الفاسي لخدود حومر تفوح منك ريحة الزهر مولي عليا نهضر سكاتي سكت عيا بالصبر.. يا اسيادي تمنيتها احلامي نكون عنتر حملتها ورايا شگيت البر قطعت الواد عودي الادهم عثر... قصدت الغابة ظللت تحت الشجر الدنيا خالية السماء صافية الغاشي ماليه آثار طلقت الشعور بقيت مبهور بقيت ف حالي نفكر..... الغرام سكني عقلي حاير دموعي نزلت حجر حسيتني بالعشق مقهور بالحب مسحور كنت كيف الطير الحر نصول ونجول نصيد الحلوف والغول والحيتان ف البحر جبدت الضغمة من جوف الصخر.... فقت م المنامة لقيت عبلة حمامة عنتر نسر لابس سلهام هاز علام اخضر زواق يطير زنگ ولا قزدير الزين زين لفعال يا لباغي سترة التستر: 14/11/2018 بقلم محمدالبراقي الحسناوي [٢١:١١ ١٥/١١/٢٠١٨] الحسناوي: بعنوان: راس المصايب تمنيتك خليل ليلي طوال بغيت نحقق احلامي زهري حوال بالمحبة راعيني تكوني قنديل منور طريقي ونيسي ورفيقي..... همومي جبال سهران كثر تخمامي جهدي قلال نتصنت لعظامي بلاخمر سكران شكون يواسيني نكدد جنابي.... كيف ندير يا العشير حماقي هبيل نغزز الكيسان الحب صعيب واهيا يالحبيب غرايبي غرايب راس المصايب انت دوايا وطبيبي عطشان جغيمة اسقيني سباب محايني وعدابي.... عايش خيال على طرف البال سكنتي قلبي لعقل طال غيابو ننساك موحال مساوي وترات كلامي نفاجي لهوال نغني داك الموال دموعي هاجت حملت الويدان نبكي على ايامي.... تمنيتك خليل يا خسارة غرامك عليل عطيتي بالظهر عليا ماحنتي تفدفد جنوحي بحال الطير المدبوح نبرد النار لشعلت نكمد جروحي: 15/11/2018 بقلم محمد البراقي الحسناوي [١٧:٠٢ ١٦/١١/٢٠١٨] الحسناوي: بعنوان:تمنيتك تمنيتك زيتونة زيتها مضوي بلا نار النور مغطي الشمس والگمرة طاير في السما (ء) مشعشع ليل ونهار تلمعي جورهة النحل يزنزن ع النوارة السر كيف العسل يقطر... بكات السحاب نزلت على كفوفها الرحمة التراب سكن جوفو الماء عتبت المحبوب من جودها تجود تزرع المحبة يتفتح الباب المسدود حبوبها يثمر بالسبوب تداوي جروح الغدر... الا كتاب المكتوب نزل لقضا ولقدر لعظم الا تهرس يجبر يسمع جيوبو تهضر شبهتك للطير باني العش م العواد والعود أصله من الشجر... فاضت الدموع على ظهر الصخر طفات الشموع لبصار عمات الضر بين الظلوع القلوب قصاحت حجر وقفت الضغمة ظلامت الخيمة الهموم خلاتني ندندن بلا مانشعر...! حسبتك نخلة تحلم بالبلوح والتمر حطتي حب الغاز ريح بلا عجاج تبوح وتنوح قرب واسيني الزهر راه عواج في الطريق عثر....! تمنيتك يالعمر هاجت لمواج غرامي غريق تينيق ف قاع البحر النفس تحيرت حالي گناوي باغي نجدب طلقو البخور تهولت باغي نحضر قربو المجمر: 16/11/2018 بقلم محمد البراقي الحسناوي [٢٠:٠٦ ١٦/١١/٢٠١٨] الحسناوي: بعنوان:الجيلالي بوعلام ماشفتو جلول يا الخيالة ماريتو الهداوي بودربالة مول الزليج ورخام الجلالي زين لمقام.... تيتمو لولاد يا مولا بغداد لعيلات تهجلو تحبسو الرجالة راني اخديمك جيتي بعيد سرك غريب خدامك طلبة وعوام... مشوش بالي خاطري مضيوم يعمر الموسم من القرية والمدينة شلا قومان من كل مكان الحرمة خرجت لحكام.... مابقا صدق مابقات نية طار لحجل بقات غير اقنية غاب النسر حكمت احدية كيف ندير يا الخوت نشوف لحمام مربوط مشموت معدبو لغرام... كتاب هجر الدنيا عشق ولاف مسطرن حروفو على جلد لغزال مرة مرة يطوف ب لخيال كره قطع الوصال تهول تهوال حشومة وعار يا مولات الخال القلب ولهان شاعلة ف الجوف نيران غدرت ليام.. ماشفتو جلول يا الخيالة على غزالي نولي عطار نديرو عكاز نلبس دربالة عشت لحلام شفت طريقي ظلام شيخي علام لابس سلهام وجلابة الجيلالي بوعلام وصاني ف المنام نحكم اللسان نشد اللجام : 16/11/2018 بقلم محمد البراقي الحسناوي [٢٠:٠٦ ١٦/١١/٢٠١٨] الحسناوي: بعنوان:طريقو كحلة مول السلهام والعمامة ضرگ الشمس بالغربال نسا الآثر عاثر الحكمة معنى الغار فيه عش باضت فيه الحمامة خيال قامة وهامة ضربو الزلزال مفرش ريش النعامة ايدو طويلة طريقو كحلة ظلمة سواريه طوال م الجبال سكاتو سكات الليل بكاه بكا الخليل تخمامو عليل....! العلام فيهم بسلامة على ناسو بخيل مع القريب عدو يخرج لفجهدو السم ف داتو مدسوس جنابو يتهامى مع الغريب حبيب يحلب عليه الحليب جابها ف راسو بحال المقيوس هبيل زاد وسواسو في جيوبو يسوس كلامو مسوس بين الناس دليل:!!! 16/11/2018 بقلم محمد البراقي الحسناوي [١٩:٥٨ ١٧/١١/٢٠١٨] الحسناوي: بعنوان: حالكم يشفي ياعربان هدا زمان واش من زمان لبصار عمات الحكام كامي كلامو خاشيه ف كمو العالم فمو مكم بنادم خرج لها نيشان من المحبة عطشان خوه الإنسان مخمل في رزمة النسيان... القلوم تسبب الحروف تجدب تحكم باش بغات نساو لفوق منهم الدرويش فيه جات مهمش تهميش الميزان غير اسميتو لبقات العيون بكات القلوب دمات الجوف م القنعة جيعان تهرس الكاس وطارو شقوفو بلا جنحان.... الظلمة ظلامت الليل طوال طغا الطغيان المعقول مربوط بحبال محزون مكبل بسلاسل مسجون ورا القضبان صغير وكبير شيوخ وشبان كل شي زعفان بالخوف ملاهي لحزان.... جفلت النخوة يا فلان گفات عطات بالگفا خيالها غبر مابان القاري يقرا العامي يتهجا لمشا يجبد وراه دفوف البيبان لقضا علينا غضبان... كان يا ماكان حيط الصبر رشا تكاو عليه قومان كانت المحبة الصافية العهود الوافية فرطنا ف الكتاب كلها تعيط اراسي فين الهمة والشان فين لحباب لكانو حالكم يشفي ياعربان... 17/11/2018 بقلم محمد البراقي الحسناوي [٢١:٥٨ ١٧/١١/٢٠١٨] الحسناوي: بعنوان:الحرمة كان الكان كان يا ماكان كانت الحرمة مغنبرة متوزرة بإيزار حاجبة طل من ثقوب البيبان ليل ونهار همها الدار... عمارت لبلاد داگة لوتاد شادة التقار من الغريب والجار الحجبان كحلين الباقي مستور العيون مغطينهم لشفار.... حروف الزين غابرين شعور لقوافي مخبلين الباقي غبر له لاثار العزري من التساع يتصهد على جمر الجمار.... كان الاحترام وكان لحكام الرجل مول لكلام الزواج بالنية بحضور الطلبة ولعوام كل شي كان مسرار الشيخات يلعبو المولوعين يجدبو على نغمة لوتار... اليوم طار الحشوم بنادم مضيوم حياتو حدج قطران يقول زهري عوج زعفان خاطرو مخسر ناشف م الوقار مايدوم ف العشرة الا الصبار: 17/11/2018 بقلم محمدالبراقي الحسناوي [٢٣:٥٠ ١٧/١١/٢٠١٨] الحسناوي: بعنوان:حسناويات سكتات الكلمة وكمات بكاها نشفت دموعها هبات عوافيها سخون رمادها الا بقات شاعلة الريح يطفيها.... شفت ف الكفوف حروف عندها شلا وجوه القلوم سبت حجابات كتبت نفسي تكمشت سكنها الخوف دواخلها شحال تألمت شكات وعيات اشكون الداها فيها؟.... بانت لي الخيمة هبيلة العزبة دگيلة الهجالة عليلة رجال عايشن عيشة دليلة العتبة معكزن عليها.... غير ونامس الحالة زينة ضربات رعدة بكات السما (ء) ظلمت الظلمة ضرگت الگمرة هجروا اولاد وبنات القبيلة خلات بين يوم وليلة بقينا عايمن ف الما (ء) راضين بالحالة ثقتنا الله يهديها: 17/11/2018 بقلم محمد البراقي الحسناوي [٨:١٤ ١٩/١١/٢٠١٨] الحسناوي: بعنوان: التهميش ها العار ابويا تفكرني الهم رشاني الا هما نساوني انت ما تنسانيش العديان غلبو ماعفو القبور مسلسلة العديان ف اللحم ينهشو گدوه وكدوه فوق الكسدة يشطحو ما رحمونيش.... الظلم جار اخويا الرجال تاهو ضاعو ف داك الغار طالق كلامي سارح مع الدجاج وبيبي وحبار مهرس الجناح نغوت م العشية للصباح نتفو لي الحرارات قلت غير تكايسو نداوي لجراح حسيت مامسوقينش القلوب المعمية ابصارهم عمات ناقصن تربية ماهمونيش..... العقل حار امحايني فقصوني الا زعفت ماتلومونيش اليد على القرص خممت قبل ما نضرب المقص حملتو عليا الثقل قلت عروات الشواري مرخوفين ومايلن عدالهم مامسويش.... لطرا وسار الدنيا جمعت أطرافها مفرشة زربية مستورة بايزار السطور تعرف حروفها قلوم الفهمامة قواو كلمتنا مفكوكة صباعنا ما متوينش اظفارنا ما مفكينش... ها العار ابويا ملي تسافر خدني معك لاتخلنيش الزهر مهاجر الطير نتفو ليه الريش بنادم الظالم دير الملح ف عينيه ميرمش لوجه قمشوه الدرويش حسبوه ماوعيش سكات سكاتنا قالو مادويش على حقوقنا ما سكتينش حسبتونا ناعسن باركة من التهميش: 18/11/2018 بقلم محمدالبراقي الحسناوي [١٠:٢٦ ١٩/١١/٢٠١٨] الحسناوي: بعنوان:الجدبة ربيت الحمام تسع وعشرين عام مطلوق على باعو يغيب ويرجع لرسام.... شفت الليل حزين ملي غربت الشمس السماء لبسها الظلام شعلت المصباح ضوه ضعيف بحال لغمام دميم ع الدوام الگمرة ضرگت غطات زينها بلثام تحزمت بالنجوم طلع الصباح خيوط الفجر على الصدر منقوشة وشام قلوب الحجر صريتهم صرة عگدتهم ف الحزام.... مال لحلال مدابز مع لحرام عداوة طول السنين المسكين عريان صابر لقهر العديان حيز امرو للباري حياتو تخمام.... الظلم لابس عمامة وسلهام طوال لسانو أعوانو طلبة وعوام هازين علام الطغيان راس المال بهتان لكلام الباطل ف بحورو عوام... الجدبة جدبت حناكها ندبت مول لعقل علاش يتلام الحروف طايرة عايشة لحلام تحلت الفام لكانت مكمة شحال من واحد قوافيه واحلة ف لحلاقم القلوم مشرجة السطور بلا مقدم خوفها شاد اللجام: 18/11/2018 بقلم محمد البراقي الحسناوي [١٦:٣٤ ١٩/١١/٢٠١٨] الحسناوي: بعنوان: لسمان يهزل دندني يا نور عياني دموعك سايلة نازلة هطالة بغيت الفرح يشطح تتفاجى هوالي واحزاني طاحو اوراق دوالي غبرو عشراني مشا داك اليوم الزهواني كان عنگود العنب على كف الكاس يجدب كانو عامرن اجيابي... حنحن يا ولد المرضية شوف العودة الگمرية الا بغيتي تكسب بنادم من الطين والطين عجين فيه النقرة والدهب شوف صباعك واش مقادين شي سخون امو مقابلة الكانون سهران ف الكباري شي مسجون بين الجبال عظامو سكنها برد الليالي الحكمة حكمت الحاكم العالي... كون نحلة زنزن قطر لكلام عسل لايغروك قلوب العفن شكون على الدنيا يحزن غير اللي سها واللي نسا لكفن عايشن لحلام عيشة الدل قالو لجواد لركب ينزل لسمان يهزل الناس شاكية من الزهر حول واش العاقل على الريح يعول دراع گاضي اللسان ماضي الباكي مغطي بحايكي: 19/11/2018 بقلم محمد البراقي الحسناوي [١٩:٥٤ ١٩/١١/٢٠١٨] الحسناوي: بعنوان: التهميش ها العار ابويا تفكرني الهم رشاني الا هما نساوني انت ما تنساني العديان غلبو ماعفو القبور مسلسلة العديان ف اللحم ينهشو گدوه وكدوه فوق الكسدة يشطحو ما رحموني.... الظلم جار ياخويا الرجال تاهو ضاعو ف داك الغار طالق كلامي سارح مع الدجاج وبيبي وحبار مهرس الجناح نغوت م العشية للصباح نتفو لي الحرارات قلت غير تكايسو نداوي لجراح حسيت مامسوقينش القلوب المعمية ابصارهم عمات ناقصن تربية ماهموني..... العقل حار امحايني فقصوني الا زعفت ماتلومونيش اليد على القرص خممت قبل ما نضرب المقص حملتو عليا الثقل قلت عروات الشواري مرخوفين ومايلن عدالهم مامساوي.... لطرا وسار الدنيا جمعت أطرافها مفرشة زربية مستورة بايزار السطور تعرف حروفها قلوم الفهمامة قواو كلمتنا مفكوكة صباعنا ما متوينش اظفارنا ما مكفي... ها العار ابويا ملي تسافر خدني معك لاتخلنيش الزهر مهاجر الطير نتفو ليه الريش بنادم الظالم دير الملح ف عينيه ميرمش لوجه قمشوه الدرويش حسبوه ماوعيش سكات سكاتنا قالو مادويش على حقوقنا ما سكتينش حسبتونا ناعسن باركة من التهميش: 18/11/2018 بقلم محمدالبراقي الحسناوي https://hmidabalbalihttpabdosoufiblogspotcom201808hmidabalbalihtml.wordpress.com/2018/11/20/%d9%82%d8%b5%d8%a7%d8%a6%d8%af-%d9%84%d9%84%d8%b4%d8%a7%d8%b9%d8%b1-%d9%85%d8%ad%d9%85%d8%af-%d8%a7%d9%84%d8%a8%d8%b1%d8%a7%d9%82%d9%8a-%d8%a7%d9%84%d8%ad%d8%b3%d9%86%d8%a7%d9%88%d9%8a/
الأربعاء، 31 أكتوبر 2018
[13/10 11:32] محمد البراقي الحسناوي: زجل بعنوان:
ليام مشاية الوقت زربان
كان يا ما كان
قصة غريبة
تجيهم عجب
لو رويناها للشبان
للسوق قراب ولا گفيفة
لفراش المطرح ولحيفة
الگابلة
تقطع المصران
للصبيان....
النية الحاجة مقضية
لابس نعالة
ساكن نوالة
واكل النخالة
وجهو ناير
ضاوية الحالة
محلولن البيبان
واضحن الطرقان
يسقيو المحبة
يفرقوها كيسان
على المسقي
والعطشان....
اليوم معمية
الشطارة والحزارة
الاسبقية لشكارة
مولاها معزوز
راسو مهزوز
الوقت لبغاتو يدوز
يدز الصوف
يتخير ف الخرفان
شي قومان
سلامهم
لكليان...
كان لكان
مابقا فيا الحال
نلوم راسي
ما نلوم زمان
نحلم فايق
صدري ضايق
نكلم لمحاين
منعنق زهري
بالدرعان...
كان ياما كان
نحس حروفي حمام
طايرن ف الهوا (ء)
راخين الجنحان
نعوم ف الما (ء)
نشوف الحيتان
الكبير يبلع الصغير
شحال شفت من عگرب
مصاحبة الثعبان
نهار مظلام الليل غضبان
ليام مشاية الوقت زربان
جمعو شطايطكم
يا مالين لمكان
13/10/2018
بقلم محمد البراقي الحسناوي
[13/10 11:36] محمد البراقي الحسناوي: بعنوان:نحس حروفي حمام
كان يا ما كان
قصة غريبة
تجيهم عجب
لو رويناها للشبان
للسوق قراب ولا گفيفة
لفراش المطرح ولحيفة
الگابلة
تقطع المصران
للصبيان....
النية الحاجة مقضية
لابس نعالة
ساكن نوالة
واكل النخالة
وجهو ناير
ضاوية الحالة
محلولن البيبان
واضحن الطرقان
يسقيو المحبة
يفرقوها كيسان
على المسقي
والعطشان....
اليوم معمية
الشطارة والحزارة
الاسبقية لشكارة
مولاها معزوز
راسو مهزوز
الوقت لبغاتو يدوز
يدز الصوف
يتخير ف الخرفان
شي قومان
سلامهم
لكليان...
كان لكان
مابقا فيا الحال
نلوم راسي
ما نلوم زمان
نحلم فايق
صدري ضايق
نكلم لمحاين
منعنق زهري
بالدرعان...
كان ياما كان
نحس حروفي حمام
طايرن ف الهوا (ء)
راخين الجنحان
يبلغو لكلام
نعوم ف الما (ء)
نشوف الحيتان
الكبير يبلع الصغير
شحال شفت من عگرب
مصاحبة الثعبان
نهار مظلام الليل غضبان
ليام مشاية الوقت زربان
جمعو شطايطكم
يا مالين لمكان
13/10/2018
بقلم محمد البراقي الحسناوي
[14/10 13:01] محمد البراقي الحسناوي: بعنوان :الرماد ولداتو النيران
بغيت نسولك يا زمان
شفت الخزانة مبنية
الشيخات يلعبو
فوق البتية يجدبو
واش القوم المعمية تلفو
ولا غير ولفو يهرفو
بانو لي تاهو
عواجت الطرقان؟
خلاو بر
الامان....!!!
اعييت نشوف
عما الشوف
لشفتو هبال
القامة جبال
حبل الطمع ملهوف
ملفوف ع المصران
بوهيوف
جوعان....
قلنا فاس
حافر الساس
ركيزت الخيمة
عارف البراد وقياسو
صاين لبلاد خديم ناسو
طاح الكاس
واش يتجمعو شقوفو...؟
مانسيت التعباق
كلام كله زواق
االتعناق
بالدرعان....
لاتخاف قبي عامر
عقلي مسافر
القلم يكتب السبوب
حرفكم مابغا يتوب
خليت تخمامي وحده هاضر
نفسي خايفة م الدنوب
محير ضرني الخاطر
عييت نكمي ف كمي
الهم سكني
نقاسي لمحاين
الفرح مني
هربان...
سولت وتسنيت
ولا حد رد جوابي
تمنيت المحبة
تزورالخيمة تزور الجيران
نفرشو ريش النعامة
ندبحو
الثيران...
الشكوى ليك يا الزمان
بهوت البهتان
القوم الجايح
في الكدوب فالح
ميزان كلامو طايح
قلنا قلب حنين
يخرج العينين
يگرن
الحجبان...
يا الإخوان
ملس
يمشي بالحس
يفكرني ف الثعبان
وقع لوقع
جات ف الصگع
البير وكح
گاعو مفظوح
عطش الجنان
السحاب بكات طوفان
الظلمة طالقة الجنحان
حاضنة ع النجوم
القمر غضبان
لهلال غاب مابان
نقضيو ونعديو
لوگيد نگديو
الرماد ولداتو
النيران:
14/10/2018
بقلم محمد البراقي الحسناوي
[18/10 10:14] محمد البراقي الحسناوي: بعوان:اشكون تبدل
جمعت لكلام
هاد الزمان وداك الزمان
عبرتو ف الميزان
شفت ف الخمسة
كفي ظلام
الفرق بين الصبعان
برق ورعد وغمام
شفت يمين ويسار
شفت النجوم
تيشطحو مع القمار
بقيت حيران
شفاني حالك
يا إنسان...
كان كبير القبيلة ليه شان
المحبة قيمة بين الجيران
القلوب حليب تقطر
حلوة سكر مفرقة
كيسان...
كانت الجدة معطرة لمكان
تفوح ريحةالمسك والعنبر
بنادم ملجم اللسان
تروي لحكاية لسانها حكمة
تفتح ليه لودان...
يوم الاستعمار جار
قطع البحور
استعمر اراضي الدوار
قاوموه الأحرار
كنا نبكيو من عين وحدة
العافية شاعلة
نتصهدو ع الجمار
اشكون تبدل احنا ولا
الزمان؟...
18/10/2018
بقلم محمد البراقي الحسناوي
[18/10 16:22] محمد البراقي الحسناوي: بعنوان:الموت الغدارة
جات الحملة يا امي
فاضت الويدان
عواجت ليام
تاهت ع الطرقان
كثر لكلام هجر لحمام
نساو لفات
الله يرحم لمات
ويشافي
اللي باقي بالحياة
الوصية زرعو الصبر
فدان...
الدم المغدور
فوق الارض ساح
سقا الجنان
العطر منو فاح
تحت التراب مستور
لاتبكيش يا اختي
لاتسيلي دموع
لمشا مابقا ليه رجوع
الموت الغدارة
حصدت قومان...
بلغو سلامي لحبابي
المكتوب ما منو هروب
رضاو بالمكتاب
كل خنيفيس
عند ناسو محبوب
كثرت لسباب لقضا واحد
رابت الخيمة تگلعو لوتاد
خلات الغابة تشطبت م العواد
عنگو المكتاب بالدرعان
يا هل الجود والإحسان...
كيف ندير يا امي
جدبت الحروف
لقلم جدبان
ندبت لقوافي شعلت نار
تنهيدة طلعت م الجوف
القلوب تصهد ع الجمار
باغي نفرح نفاجي لحزان
نفرق الفرحة كيسان
خيالكم ف البال
منقوش بين
الحجبان:
18/10/2018
بقلم محمد البراقي الحسناوي
[19/10 20:50] محمد البراقي الحسناوي: شكون يدرس بلابهايم
بلا مدرة يقلب الدرسة
يفكها بلا ريح
غير اللوح
السدرة ف الدمة
شكون يصدق البوح
شحال من اخبار
رايجة ليل ونهار
عمات الابصار
بحت لحناجر
البشر لسونهم مناشر
كلاو لحم الغايب والحاضر
غريبتهم غريبة.....
بقلم محمد البراقي الحسناوي
[20/10 13:55] محمد البراقي الحسناوي: بعنوان : حروفو خيال
الظلمة ظلامت
سحاب بالدم بكات
امتا يصفا الحال
الضبابة غطات الغابة
غبر وجه جمال
بقات حروفو خيال
شحال العين بكات
بقات صورتو ف البال
موشومة بين الحجبان
لحباب گفات قلو ناس
لحلال....
كيت لجات فيه
حال اهلو جدبان
الگمرة الزينة حزينة
غاب لهلال
النجوم فگعانة
الفام محلولة لسان ولوال
الباطل قاضي حاجة
أيديه طوال....
الهموم كثرت
طالقة شعورها
غطات لمكان
القلوب المعمية
غلبت ماعفت
كرهنا وملينا داك
الموال..
ياصاح قوا نباح
الغدر سلاح
قولو للعديان
الا ربحتو راني سماح
الرجلة ماشي جاه
ومال.....
من هبالي
باغي نبوح لشمس الصباح
المشكل مطروح
الخاطر مرتاح
عييت نسول ونسال
نداوي لجراح
الحق مكبل بسلاسل
مسجون ورا القضبان
تهولت لهوال طلعت لجبال
لقات المحبة مربوطة
بحبال:
20/10/2018
بقلم محمد البراقي الحسناوي
[20/10 13:55] محمد البراقي الحسناوي: بعنوان:البغال مشرجة
سكن الجهل عشش
بين الجلد والعظم تكمش
التخمام تخلخل
المعقول مكبل بسلاسل
بهوت البهتان
دير الملح ف عينيه ميرمش
بكات الفرحة رقصت
لحزان....
ماتت النخوة من زمان
بنادم يمشي ع الكرش
تيزلگ ف الدس حيث ملس
لابس جلابة الحنش
جوفو م المحبة
عطشان....
تهرس اللوح
جمعنا شقوفو
طلقنا البوح
القلم يكتب سبوبو
الحرف مجروح
يشكي هاز كفوفو
لقوافي ما بغاو يتوبو
السما ء بكات بالطوفان
حملت الحملة داگو الويدان
طاح الميزان بالغش
العيب ف صروفو
البغال مشرجة الخيل تحمش
اخبارنا شايعة ف
البلدان...
سكن الليل طلق جناحو
نبات مع الشمعة سهران
القمار شعاعو عليل
هبالي هبيل
نسول جوادي مالين لمكان
على ديك ليام
كان العلم لابس سلهام
ليه قيمة وشان
مالو اليوم تبهدل
الباطل عندو شلا طرقان
التخلف ساكن
قومان:
20/10/2018
بقلم محمدالبراقي الحسناوي
[21/10 21:38] محمد البراقي الحسناوي: بعنوان: التواضع ميزان
ما هموني
بالدربالة قيسوني
يشرفو الجلابة والسلهام
شفت ف الكفوف
الصينية والكيسان
البراد هاز لعلام
طوال شوفي وحوال
سولت انفاسي تسوال
القيمة جيوب
تحزيمة السروال
الهتوف مصروف
الحجة كدوب
حسبوني ع راسي مقلوب
مهرس الجنحان..
تنهدت التنهيدة
طلعت من الجوف
شرجت القلم يزمم السبوب
نطقت الحروف
الجدبة جدبت المجدوب
كلام مزرد حبوب
الحكمة وقفت ف الحنجورة
كتاب المكتوب
لقوافي طمرتها ف المطمورة
الوافي ما يحافي
سمحت ف المسلوب
عرفت لعبار
كاين بنادم همو الدرهم
اسنانه اسنان المنشار
المضي نيابو سمسار
شاد زوج طرقان
لسان رطب ماضي
قلب خاوي إيمان
ايه يا ليام
يا كحلة لقدام
غرقتني ف التخمام
العيب فيك ماشي ف الزمان
غرامي مربوط مسلسل
مردودين عليه البيبان
الدراع ليشالي مشلل
المحبة مسجونة ورا القضبان
ترضع اصبعها كيف
الصبيان...
ماهموني
غير سمعوني
الدنيا بحور
يالتايق راك مغرور
الا كنت فايق
أطلب السترة
تحيا وتموت مستور
المشكور مگعور
لابس النفاق
الصادق محگور
يبان الحق يطير الزواق
التواضع ميزان
يا هل الجود
والإحسان:
21/10/2018
بقلم محمد البراقي الحسناوي
[22/10 18:08] محمد البراقي الحسناوي: بعنوان :الغني والفقير
شحال من صغير
بالسترة مستور
باغي يكبار
يشكي م الفقر
يحس راسو
مقهور...
گالس يشوف ويتحسر
يتنهد من الجوف
ليام شاوياه يتصهد ع الجمر
للسماء يهز الكفوف
دموعو تنزل حجر
محاينو طالقة
الشعور....
بكا الصخر
خاطروا مخسر
مريش
ريشه منتوف من الجدر
جناحو مكسر
داوي حسبوه هداوي
يكلم انفاسو حاله مكشبر
الدرويش
مهمش تهميش
الحگرة
حاگراه محگور
ماعحباتو الكسرة
باغي الكسور
يخمم عيا ينقي نيفو
من القشور....
شحال من كبير
مرفح حسبوه هاني
بين الناس مشهور
المال بالقناطر
لباسو حرير
صحتو عليلة
عولتو الدرة والشعير
يتمنا الدنيا تكثر
باني فوق الارض
قصور...
خايف من الفقر
ريوگو سايلة
هم الدنيا
بحورو بحور
يحسب نهار وليل
يا التايق لاتكون مغرور
بخيل تعيش دليل
اخرها كفن
يدفنوك ف القبور:
22/10/2018
بقلم محمد البراقي الحسناوي
[22/10 18:09] محمد البراقي الحسناوي: بعنوان: كثر الإجرام
علمني شيخي
نلجم لساني نفها
نحل وداني نصغا
نحدر اشفاري نسهى
نساوي وترات
لكلام....
نتمعن ف المعنى
نعبرها بلا ميزان
السكات حكمة
مرسولي سرب
لحمام....
الفم مزموم
العيون محلولين
الحرف جدبان
على كفوف
الرسام...
سطور مسطرين
وشام بين الحجبان
نضحك الفرح
نفاجي الاحزان
لقوافي تشطح
القلم من المداد عطشان
لمحاين تقاسي
الشكوى بيك
ياليام....
يا محبوبي
نوصيك المحبة زرعها جنان
الدنيا مغمضة رمان
لاتيق
ولا ديرها رفيق
راها غدرت بالزمان
من بعيد تقرا ليه
سلام....!
يامكتوبي
احدر الراس رضا بالمكتاب
لبس لقياس كثرة لصحاب
العشق مولات اللثام
راها خارجة
لحكام...!
علمني شيخي
هو يبرگم وانا نفهم
نشوف الغمزة نتبسم
نخلي الهم
سارح ف الأحلام
شحال من عيفة
حسبوه علام
تالفين ع الطرقان
تايهين ع الدوام
ماشين نهارنا ظلام
العالم مكمم يحلل لحرام
طغا الطغيان
كثر الإجرام:!!
22/10/2018
بقلم محمد البراقي الحسناوي
[22/10 19:47] محمد البراقي الحسناوي: بعنوان:كلمة الأحرار
الزعامة والفهامة
فامكم تخرج منها نار
احدية لابسة وندية
المضية المنقار
البگرة محينة مسرطها
عكار...
اش جرا وطرا
يا امة المليار
جلبتو العار
تشوهت الصمعة
غاب الزين المسرار
تروعت
المدينة والقرية
والدوار...
تكشفت الحقيقة
بانت الأسرار
غامرتو
ركبتو سفينة الأخطار
سجنتو
ورا ء القضبان كلمة
الأحرار...
بنادم طالع ونازل واكل
سنانو سنان المنشار
مع مصايبو واحل
يصلي بالليل يدبح بالنهار
ماراعيتو ظلمكم جار
ما خفتو الواحد
القهار:!!!
22/10/2018
بقلم محمد البراقي الحسناوي
[22/10 19:48] محمد البراقي الحسناوي: بعنوان:كلمة الأحرار
الزعامة والفهامة
فامكم تخرج منها نار
احدية لابسة وندية
المضية المنقار
البگرة محينة مسرطها
عكار...
اش جرا وطرا
يا امة المليار
جلبتو العار
تشوهت الصمعة
غاب الزين المسرار
تروعت
المدينة والقرية
والدوار...
تكشفت الحقيقة
بانت الأسرار
غامرتو
ركبتو سفينة الأخطار
سجنتو
ورا ء القضبان كلمة
الأحرار...
بنادم طالع ونازل واكل
سنانو سنان المنشار
مع مصايبو واحل
يصلي بالليل يدبح بالنهار
ماراعيتو ظلمكم جار
ما خفتو الواحد
القهار:!!!
22/10/2018
بقلم محمد البراقي الحسناوي
[23/10 18:25] محمد البراقي الحسناوي: بعنوان:يا لخليل
كيف ندير
عساس طول الليل
صورتك بين عينيا
غرامي هبيل
احساسي حساس
حن عليا راني ولد الناس
فهمي ثقيل
لسانك الطويل
كنت شمعة وقنديل
حفرتك بفاس
مارديت البال
عشقك عليل...
قلت لبست لقياس
فات الفوت
فاقت الگلبة من الراس
تشقف الكاس تلفو اشقوفو
غاب الزين بقات حروفو
الگمرة بكات
السماء حزنت نجومو
ريوگ المحبة
تسيل...
ظلمة الخيمة
غبر الحبيب
ملي نشف الجيب
مابقيت نشوفو
من شوفتو محروم
بغيت يبرد لقليب
حبه نار بيه مغروم
نهدي ليه الورد مشموم
راني مهموم ومضيوم
صبري قليل..
ما نسيت داك اليوم
طلقتي سالف الشعور
بقيت تالف
حالي فاهي مبهور
سكنت جوارحي
نسهر لفجر تودن الطيور
نصبح أصباحي
بالدموع نفطر الفطور
معزتك كبيرة يا لخليل
مكتف قدامك دليل:
23/10/2018
بقلم محمد البراقي الحسناوي
[23/10 20:59] محمد البراقي الحسناوي: بعنوان :عودي الأدهم
كان عودي الأدهم
معمر لمرح يحنحن
هو شوفي
طالق الشعور
حافرو يحفر
في السربة معفر
بالخنجر محزم
البارود ف الموسم
يشفي الهم...
القلم يسبب ويزمم
سخن الطرح
سكات تكلم
تبدل الفرح بالحزن
دواخلي تتألم
كبر الجرح
بين الضلوع سرا
السم...
شدت فيه العين
حزنت السحاب
الحال مغمم
غسلوني
دفنوني بلا كفن
من بير الظلم
فاحت ريحة لعفن
كل صباح
الشمس تطلق الجناح
عقلي يسرح ويدندن
فوق النفس يزنزن
لساني مربوط
بالحكمة ملجم....
عودي الأدهم
دموعي سالت حجر
بكات بالدم
يروح الليل يطيح الضيم
للشمعة نبوح نخمم
خيالك
قدامي صورة مطروح
اسميتك
واحلة ف الحلق
عظم:!!
23/10/2018
بقلم محمد البراقي الحسناوي
[24/10 00:11] محمد البراقي الحسناوي: بعنوان : العالم يا العالم
العالم يا العالم
درستك مايطيبوها بهايم
حرر من الجوف
داك لكلام
طلق سراحو
عقلو تايه هايم
الظلمة ظلامت غطات
لحكام...
غرب الليل طاح الظلام
يگرگر سرب الحمام
يفرفر جناحو
يقرا بريات السلام
الباطل تجبر
عايش لحلام.....
هاج هيجان البحر
بنادم في الرملة عوام
ثعالب تمكر
الحق مزطوم تحت
لقدام...
يا سيد لفقيه
كتاب ربي راك اقريتيه
قلبك مكمم
لعداب اعرفتيه
جنابك لقلومة
تزمم...
العالم يا العالم
انت تفرق
تنطق بالصدق
لسانك ملجم
اللوح بالصلصال محيتيه
تعير المظلوم من الظالم
الا اسكتي شي مادرتيه
ليام سلمتها قليلة
ما هي للدوام
الدايمة زايدة
الگدام:!!
23/10/2018
بقلم محمدالبراقي الحسناوي
[25/10 00:59] محمد البراقي الحسناوي: بعنوان:اليمن
حزين عليك يا يمن
شوق وحنين
على كف السنين
انهارت الدموع
أشعلوا الشموع
صلوا بخشوع
العيون تبكي يا مسلمين
عن الأطفال الجيعانين
الإعلام يحكي
الامراض في تفشي
السبب الجوع
من يسمع الكلمات
يبلغ الرسالة
في الاعناق أمانة
لم الشقاق والنفاق
والإسترزاق
الكرامة دللت في الأسواق
بقلم محمد البراقي الحسناوي
[25/10 00:59] محمد البراقي الحسناوي: بعنوان:بلاعنوان
الجماعة النايحة
كرهت العز
ريحت الخنز منها فايحة
حسبتوها كنز
هي ف الفساد فالحة
في الوجه تحنزز
تلفت ريها جايحة
العيفة علينا يتخزز
العهد عند الجيفة
غدرت بنا
ظنيناها صالحة
اصبرنا وعيينا
من الكدوب ملينا
تالفة هارفة
مشات ايامها راها شارفة
يا الگنس
الحفيان....!
الخيمة لكانت زينة
لبسوها قشابة ودفينة
تشمرت شطبت الكشينة
تبسيمتها حزينة
جفت العين لكانت تسقينا
الجوف م المحبة عطشان
المعقول محتاج
تلفنا الطريق لمنها جينا
ناض لعجاج
لكبير وصغير تيهان
علات لمواج
فين ديك الجماعة لحنينة
والشيخ لكان تاج
شرج الخيل
فيق مقدم السربة
فيق من الگلبة
زيف البراد والصينية
فرق الفرحة كيسان
حاولو علينا
يا القوم
الجيعان:
24/10/2018
بقلم محمد البراقي الحسناوي
[25/10 01:00] محمد البراقي الحسناوي: بعنوان: قليل الحكمة
من النوالة طل علينا
داك الطفل
دخل عنگو من السرجم
شحال تسنينا
هو يحصل
سكاتو طال فمو مزمم
مانويناه ظالم
لسانو ملجم ملعثم
كلامو يتمتم
باسل بحرا يتململ
قليل الحكمة
يغضب على لعباد يجدب
ناقص عقل
هل العلم قالو
مايصلح لطابلت
الحكم:
24/10/2018
بقلم محمد الحسناوي
[25/10 01:00] محمد البراقي الحسناوي: بعنوان.الجدبة الحسناوية
ها الميمة
شكان اسبابي
قطران بلادي
ولا عسل البلدان
تعالى لمكاني جرب حالي
اولادي طاب قلبي
على من نادي
حمق وهبيل بيكم عايروني
تابع جيلالة من قلت عقلي
الميمة طال الحال عليا
كلها حالو حتى يمشي بحالو
علاش بليتوني
الدايم ربي
التكويت والتشويت
الحمر عزيز عليا
وجدو النحيرة
هدا مكتوب ربي اصحابي
رشيوتوني مريض وعيان
حمقتوني بغيتو تفرقوني
سيدي سليمان
من البعد يبان
ياك عزيز العزيز عليا
خلوني نبكي
من قلة لحباب عايش
لعداب:
24/10/2018
بقلم محمد البراقي الحسناوي
[25/10 01:01] محمد البراقي الحسناوي: بعنوان: حال حسناوي
الحال ميشاور
تحير الخاطر
اعتقني يا الهالكني
اش بغيتوني
تبعتوني
قلة صحتي شفات عدياني
صغار قلبي يا احبابي
الدايم ربي
عدبتوني رشيتوني
راني مريض وعيان
لفيا ما هناني خليوني جدبان
رانا مريض وعيان
خويا طارق القلب ضاق
بنات الشمال الزين والجمال
بيضاوة النخوة وضرافة
عدروني مگواني
الگران يا العديان
حماقي سافر لميركان
24/10/2018
بقلم محمد البراقي الحسناوي
[25/10 13:16] محمد البراقي الحسناوي: بعنوان:الباشا حمو
سمعت الهلال تيهلل
حماق عقلي
صغار الخاطر
شعلو المجمر
بخروني
بالفاسوخ والجاوي
دارو لي جدول
بغاوني نهبل
ماراعاو لسوايع
الزمان....!
بليتوني طيبتو قلبي
على من نبكي
صورتك كاوياني
من السطح مقابلاني
كيف الدرصة مهوساني
امحيان محنتيني
الدعوة للعالي
على من نشكي
سخيتو بفراقي
كنتو الخوتي وليتو
عديان...
طال الحال اولادي
كلها وحالو
حتى يرحل لحالو
عوافي شاعلة ف داتي
العينين حوالو
قلت صحتي شفايت حسادي
اش كان أسبابي
مكتوب كتاب
توحشت بعاد احبابي
في الهموم
غرقان....
نساوني يا الخوت
فيهم اصحاب
بهوت لبهوت
يا الميمة
الباكية ديمة
غرايب راسي
فيقت نعاسي
اش تسالوني بليتوني
حماقي هبيل
بدراهم عبروني
عيروني بهيمة ماشي
انسان.....
البشا حمو
الشارب دمو
عمامةوتاتو
على ريش جناحو
اشكان سبابي
قطران بلادي
ولا عسل البلدان
تعالى لمكاني جرب حالي
شهدو يا مالين
لمكان:
24/10/2018
بقلم محمدالبراقي الحسناوي
[25/10 23:25] محمد البراقي الحسناوي: بعنوان: سولت الليل
سولت الليل وحلامو
عليك يا المسكين
شفت القنديل مضوي ظلامو
ضوه حزين
ريوگو تسيل
على محزم حزامو
الشعر متكي ع الصدر حنين
القلب كامي سكاتو
نخصة بين ظلوعو
كيف مفتاحة ولا سكين
الجهد قليل يبكي منامو
دمعت العينين
تگرنت حجبانو
كلها وعارف
مقامو....
الحق علام
مشرج شاد لجامو
رابط اللسان
محرف سلاحو
منصور ب ناسو
الباطل يتفجج موجد سهامو
سارط كلامو
عوينو ظلام
بالقضا (ء ) راضيين
يا بني الإنسان
كلها وتخمامو....
الظلم
شحال ماطال يغبر خيالو
يتطرح الميزان
يجي يوم لخليل ينكر خليلو
الريوس يشيبو
جوارحو تشهد
يقرا بنفسو
كتوبو.....
سولت الليل
ملي طلق جناحو
غرامي هبالو هبيل
توسد نجومو
يتسنا تشرق شمس صباحو
بغيت نعرف العشق وحكامو
نطلق سراحو.
غابت حروف الزين
فين الحمام وتگرگيرو
لكان مبيت ف رسامو
لعظم رشاتو السنين
لبغاتو ليلم ديرو
ماعندنا فاش نحيرو
لفراخ يربيو الريش
يهجرو الوكر
يطيرو:
25/10/2018
بقلم محمد البراقي الحسناوي
[26/10 12:50] محمد البراقي الحسناوي: بعنوان:
حالكم يشفي يابني الإنسان.
كانو العربان
تضرب بيهم لمثال
قطعو الصحاري
عاشو بحليب الجمال
سيوفهم ماضية
ركوب الخيل
صيد الغزال في الجبال
الكلمة قيمة ليها شان
فرطنا ما ريدنا البال
لدواير زمان
اليوم التلينا ورا (ء)
البلدان....
زمان الحروب
الحجة بهوت البهتان
محملة الكدوب
مداهب الأديان سبوب
أخبارنا رايجة على طرف كل
لسان....
كتاب المكتوب
حسبناهم احباب
فعايلهم فعايل الرهبان
الحق مسلوب
الباطل خرج لها نيشان
حالكم يشفي يا بني
الإنسان....
عمر الظالم
مايرجع سالم
ولا يتوب من الذنوب
متكي على كتاف العديان
يجدب اجديب
كلامو كلام
خارج من فم القليب
احلامو احلام
زارع فدان من
الطغيان....
العلام تاج لحكام
يحيض ويبيض
كيف النعامة
لابس سلهام
جاب الجوع والمرض
ضاعو شبان وصبيان
الخو يغدر خوه
جنابو يكدد ويعض
قتلو دمرو الأوطان
المسكين
ساكناه لمحاين
جاحت قومان...
هدا زمان يقري
بان الحق ظهر البرهان
هاجت البحور
بكات الصخور
الهموم داگت ويدان
ولدت الأرض الطوفان
تسجنت الطيور
مربوطة ب حبال
مكبلة ب لغلال ورا القضبان
بكات الفرحة ضحكت لحزان
نيران شاعلة
الدخاخن ف كل مكان
26/10/2018
بقلم محمد البراقي الحسناوي
[26/10 17:16] محمد البراقي الحسناوي: بعنوان:توجع التراب
توجع التراب
بان خيال ف المراية
هو سراب
حملت السما (ء)
بكات السحاب
كتاب المكتاب
تشقفت الارض
طين الجوف مات م الخوف
كثرت لمصايب
تمحنت المحنة
التسقات بالدم
عوض الما (ء)
الدرويش حياتو
عذاب...
شحال منهم نفخو ع النعمة
راحت البال تاج الهنا (ء)
طاحو أوراق الشجرة
حفرو حفرة
العود شعل جمرة
الحگرة م لسباب..
معاشرالليل
والنجوم والقمر
مع الحروف يحلى السهر
الباب مردود
القلم يسبب السبوب
القوافي شهود
غرامي هبيل
يفكرني ف اامحبوب
السرجم مسدود
راضين بها حلوة
قابلن بها مرة
تارة حليب وتمرة
تارة حدجة
الا نبح الناب
وشهقت الضرسة
سرهم كلاب...
توجع التراب
على داك النهار
لكحل مابانو فيه لحباب
قلبو وجوهم لصحاب
ياصاح
إياك من ضحكة الدياب
26/10/2018
بقلم محمد البراقي الحسناوي
[28/10 01:19] محمد البراقي الحسناوي: بعنوان: وكواك الحق
كان يا ما كان
كانت المحبة زينة
العشرة لها شان
لولية تصون غيبة الراجل
تتسناه مقابلة البيبان
تلقاه بتبسيمة
محزمة تحزيمة
مشمرة للدرعان
تواسيه الا كان زعفان
معاوناه على
الزمان....
كانت تشطب لمرح
الفرحة فرحانة
ما تغضب
مطلوقة سبولة الغلاي
تجدب
حاكة البراد مزيفة الصينية
مرحبا ب لعباد
الغادي والجاي
الگعدة مزيناها
عمارت الكيسان
كلامها رزين قلبها حنين
يفاجي لحزان
واك واك الحق
شحال من عيفة
حاسة راسها نزق
عيا يداري
محملها يراري
واش الجبل يهزو الريح
لمرا جنابها تلصق
المعز يشوف الديب يصيح
الغنم ف الصفوف تفرق
واش مقبول لكلام لفصيح
المعقول مهرس الجنحان
اشكون بيه يرفق
عيات تسوك
بالعكر خدودها تزوق
لباس فوق الركبة
ناتفة الحجبان
حاسكة الشعر
ساكنها الغدر
لعبت بقومان....
كان لكان
ولا كان ف الحسبان
خلات المربوط جدبان
يحكي لمحاين
معبقها بالدرعان
تايه في جناب الويدان
عيا يسبب
جوفو ندمان
حياتو حارة
شارب القطران
حرب النساء حملت الماء
حبهم مافيه أمان:
27/10/2018
بقلم محمدالبراقي الحسناوي
[28/10 14:45] محمد البراقي الحسناوي: بعنوان: الدنيا خارجة لحكام
نسولك اخويا
فين دوك لصحاب
لكانو ظراف
دوك الجيران لرهاف
خفيفة زورت اضياف
خطواتهم
خفاف.....
فين لحباب
لغبرو مابانو
قطعو لكلام
حبسو الرجل ع الرسام
غرايبي غرايب
نفتل الدوم گفاف
هدا ما كتاب
والخا نكرو راني
مسعاف....
ضارب لحساب
ها العار فهموني
غدرتني ليام
خانوني لكتاف
الدنيا خارجة لحكام
غرامها ولاف
العاقل يطلب السترة
الكفاف
والعفاف...
لسلباتو ضاعت حياتو
تلقاه ع القبلة تالف
لركابي طالقة السالف
تلقاه مسكون يخمم
ياكل صباعو
العلامة
بونتاف....
لكرماتو
في الخير مرغداتو
بلا اسباب
يعمر لقراب
علام عودو
علاف...
رضينا بالمكتوب
والهم مارضا بنا
عيب وعار
الحق مسلوب
تخسر لخواطر
حسبناهم اشراف
يوقع لغيار
يحفف تحفاف
يحلف بالنعمة
يدعي بالجفاف....
ظلمت الخيمة ياالميمة
طفات الشموع
شدت فينا عوينة يالحبيبة
مشات ليام الزينة
گفات عطات بالگفا
مبقالها رجوع
كبر الجفا
الخريف خرف
تخراف....
ياخويا
يا بن عمي
الكروش شبعانة
عافطة ع الشوك بالحفا
المصارن عاميها الجوع
شحال من عيفة
عايش بالممنوع
مرايتو زاج شفاف
الفضيحة ف جيبو
بالحلوف حلاف
مدوخو المصروف
واش هبيل ولا حسراف
28/10/2018
بقلم محمد البراقي الحسناوي
[28/10 14:50] محمد البراقي الحسناوي: بعنوان: حمادة وحلوفي
ابني حسن
بلاد الثرات والفن
حمادة وحلوفي
برمة حليب قلوشة اسمن
نحرك كتوفي
جنب نوالة نتدفن
غادي نموت نموت
الليلة أحسن
الهيت جدبت حسناوة
يتحطو ع الجرح يداوى
يطيرو لحزن
ريح الغابة سلاگ هوهاوى
نصفق بكفوفي
نبرد جوفي
لمقص ولگوال
يفاجيو لهوال
نتصنت لعظامي نتركن
الخيل والخليل
العينين بوحبة
كحلهم بارود
قتلولي لهوا
اصبع ع القرص
موجود....
عيطت عيطة حنينة
الادهم يحنحن
تحرفت السلاح
من الغروب للصباح
الصيدة ع الگنفود
لحجل طالق الجناح
الحافر والگاعة
اللوح والشطابة
شعير وقمح
العلافة تحفن
القصرية تعجن
يسخن الطرح
الله يطلق لسراح
يا لجواد
مول الجود
يجود....
لمن نسمع
اليوم كلاو لحدود
كلها يلغي بلغاه
تلفو آثر جدود
الديب يمشي عينو ف گفاه
عند بالو محسود
الضبع ريحتو مخيباه
الحلوف ملهوف
شوف طريقو مسدود
السبع النفخة مشرفاه
مكبلينو
بقيود.....
طويل اللسان
حرش وعيا شي مداه
دار المجهود
عيني تدمع
على داك العيان
فسخ العهود
لنواه ما لحقو حجارو شداه
اصلو صگع
خليقة صفت القرود
شحال منهم كارمن
جلود....
كاين لبطانتو صافية تلمع
العلام باين لبغا يتعاما
كلمتو مسموعة ف المجمع
الجودة وارثها من الباه
ولف عادة تتعادى
الكريم زعامة وقامة
ياسعد السعود
كيف ندير ف ليلتي الغريبة
النار شاعلة
الخشبة اللوح موسداه
حفرت مطمورة
طمرت من الدنوب المدود
يا لوليد
كلها يبكي على بكاه
الحقد ف النفوس مولود
يحوزك التراب
ينخرك الدود
قبرك للقبلة ممدود
28/10/2018
بقلم محمد البراقي الحسناوي
[29/10 14:18] محمد البراقي الحسناوي: بعنوان:بان گاع الگفيفة
تفكرت همومي
فيقت حزوني شحال تألمت
سهرت جفوني شمعة شعلت
هزيت كفوفي
للسماء الضرعت
الدموع بكات وتفاجات
هبشت الأرض
وخممت...
مكوي كيات تبوح حروفي
نبرد جوفي
مفتون ف عجوبي تعجبت
مسكون بغرام محبوبي
بريات كتبت
مارد جوابي اشواقي تكتفت
في عمق اعماقي
وردة نبتت
بالحب الصافي حلمت
مسجون بين الحيطان
نشوف ليام خرفت
مشوي مجروح
حلفت لا گودت
الدنيا كسدت
الكسدة ما شبعت..
تفكرت همومي
لملمت جروحي
زهري مكشبر
كامي ف كمي شلا معاني
قلوب الحجر
قلبو وجوهم ما هموني
شفت شويفة
وقفت وقيفة
بان گاع الگفيفة
فيهم الشريف والعفيفة
صاموني جمعت اطرافي
فيهم ما فكرت:
29/10/2018
بقلم محمد البراقي الحسناوي
[30/10 12:07] محمد البراقي الحسناوي: بعنوان: كنا جيران
كان يا ماكان
عشنا لكتاب
عشقنا وتهنا
على كفوف
الزمان
حملت الحملة
داگت ويدان
لشواق طلقت الجنحان
تربينا صغار كنا
جيران...
مشينا طريقة طويلة
شحال من ليلة دازت هبيلة
شعلنا شموع بحضور القبيلة
بكينا بالدموع قلوبنا عليلة
عربون المحبة
مكبوب لقلوب كيسان
متكية الشعور
على الدرعان...
كتاب المكتوب
حكمت ليام
فسخت السلهام
غابت لفراح
غاب المحبوب
حضرت
لحزان....
تقطعت حروف لكلام
انتهى لبينا
من الغرام انتهينا
ماضربت حساب
ولا كانت ف الحسبان
حتى فات
الاوان...
ياك كنا احباب
مغيرن لصحاب
كيف كنا وكولينا
فقت م الحلام
تفكرت الصدفة كيف تلاقينا
تعبت وتقهرت
ماعرفت باش تبلينا
لقيتني غريق ف الهموم
غرقان....
على بعادك ماقديت
العيون غرغرت
ع المحاين تعودت
شارب
القطران....
يا الحبيبة
ياربيع القلب
يالكبيدة فيك مابقيت
مالك انسيتينا
ملي هجرتي لرسام
نخمم تخمام
شديت اللجام
حالي يجدب
غضبان...
يا مولات اللثام
غير شويفة شوفي
طلقي الحجبان
نبرد ليعتي
بيك ماسخيت
نار الحب شاعلة
نيران....
اجي نطويو الكان
نبداو حياة جديدة
يا غزالي يا لفضل
يا راس مالي
عييت نصبر ياقرة اعياني
يا زينة السمية
صورتك مرسومة
خيالك غبر مابان
على فراقك
ندمان:
29/10/2018
بقلم محمد البراقي الحسناوي
[31/10 10:00] محمد البراقي الحسناوي: بعنوان : لبهوت
ساعة لبهوت تفوت
والليالي الوردية
لداز ع الصدر منحوت
النحيرة مدبوحة
الجدبة م الغروب للصبحية
الجدبان مسهوت
جدبت الكيسان
شطحت الصينية
شمت البخور
نعوت النعوت
ندبت بالشقوف
حضرت الشعور
النغمة مصران
هاجت البحور
تحيرو مالين لمكان
شرقت الشمس الذهبية
سحيت ضربتني الفيقة
مالقيت على من نحط
ايديا......
ساعة الزهو تفوت
وايلي الدنيا لعبت بيا
مارحموني الخوت
هدا مكتوب تكتب عليا
نشفو الجيوب
جفلت القلوب المعمية
محبتهم كانت كدوب
نوضو الحروب
شحال منهم تشفاو فيا
راني درت السبوب
بغيت نرد العشق المسلوب
نكرتني ما سعمت ليا
غدرني المحبوب
طلع مشموت
لكان هو عينيا
قاسيت لمحاين
شربت لمرار
هزيت العين
حطيت الحاجب
بقات حالتي هيا هيا:
29/10/2018
بقلم محمد البراقي الحسناوي
[31/10 10:01] محمد البراقي الحسناوي: عار يا لحباب عار
عقلي حار
معرفت باش نبدا
حروف حزينة يا حضار
على بنادم الغدار
لجرا وصرا شوهة
في امة المليار
غلبني لبكا
المستشار ولد الدار
كان ليه الري وشوار
دارت ليام توترت لوتار
تغيرت الحالة
بين ليلة ونهار
بدات لمحاين
شائت الاقدار
هجر لمكان
غبر ليه الأثار
شداتو المصيدة
حسو مالين لمكان
راج لكلام ع لسان الإعلام
شاعت الاخبار
على اللسون ف كل الاقطار
فصلوه قطعوه
غبرة غبروه
قالو بالمنشار
عار يا لحباب عار:
30/10/2018
بقلم محمد البراقي الحسناوي
[31/10 10:05] محمد البراقي الحسناوي: بعنوان. القتالة
القتالة كواتني زادت مابيا
ها هو جاني ها هو جاني
العلام الزين ديال المسلمين
سيدي سليمان من البعد يبان
بين فاس ومكناس يدوخ الراس
الخاوا لغدر عيب
عافاك الهوا عافاك
بابا ادريس صاحب الكويس
اليوم الجمعة اليوم الخميس
شي ناس قالو شي كلام
ناقصهم لحكام
هدا المكتوب كتاب عليا
هدا المجدوب يجدب عليا
جيلالة عيساوة
بودربالة شيخ هداوة
اهيا مالي ياربي مالي
بغيت غزالي
علاه يا للا انسيتني
الزين سلالة
الزين ماعليك بزين
هاكاك ظريفة
القلوب بكات بالدنوب
شكات...
30/10/2018
بقلم محمدالبراقي الحسناوي
[31/10 14:05] محمد البراقي الحسناوي: بعنوان:عام البون
كان يا ماكان
كانت سوايع الزمان
موريها محقق نيشان
صدق اولا تصدق
الناس في القبيلة
القدمة كانت نية
اصحاب الحكمة
وكلام الحق
زرو القوبع
عام البون....
كان الجوع
الجوف خاوي جيعان
خالي من الطمع
كلاو يرني
الطعام بالما مسگي
عامو في الويدان
بنات وشبان
باعو لبلاد بطيط
ولا بشكليط
لهو اصلي
عارف قصدي
عليك النوح
نبوح للروح
محزون...
اليوم مفتون
قوا الرزق
بنادم نكر النعمة
بالدنيا مسكون
ماقادر تبسيمة يصدق
البخيل هبيل
واش من جيبو ينفق؟
الجيل تخمامو عليل
القنديل ضوه عليل
مول العقل
حسبوه امسرفق
هداوي مجنون...
عام البون
الحر بين الحيوط مسجون
لاراديو لا آيفون
يحكي للصبيان
حكايات الكان
يتفكر السنون:
31/10/2018
بقلم محمد البراقي الحسناوي
[31/10 14:06] محمد البراقي الحسناوي: بعنوان: لجامكم
شدو لجامكم اشوية
شدو لجامكم
العيب فيكم
ماشي ف تخمامكم
سولو خيالكم
واش زدتو الگدام
راس المال كلام
هدا حالكم من
زمان...
حرگتوني بالباطل
سدو فامكم
الحق معكم حاصل
ربطو لسونكم
شلا تقوال توقلتو
طيحتو الميزان
رميتوني بسهامكم
نكرتو الخاوة
يا لخوان....
خمو اشوية
يا مالين القلوب المعمية
ديرو الموت وراكم
الدنيا مادايمة تكدو جنابكم
حكمو راسكم
هاجت البحور
داگت الوديان
شربنا الحنظل
كيسان....
شدو لجامكم اشوية
سدو فامكم
صفيو المحبة زردو كلامكم
فتحو عيونكم
فيقو من الگلبة
راكم ف الخسران:
30/10/2018
بقلم محمدالبراقي الحسناوي
[31/10 15:31] محمد البراقي الحسناوي: بعنوان:معك داوي يا لوليد
مالك يا ليام
ضرگت العافية
لكانت تشعل بالوقيد
مناصبها حجر
وقاقفها حديد
الفراح عشية وصباح
تحتو الوگيد...
كل وقت اليدين
دليك وعليك
عجين ف القصرية
شدگ جديد
روايح لعواد تفوح من بعيد
مجمعنا يتجدد كل عيد
كلامنا كان لديد
جديد ليه جدة
ثراتنا فرطنا فيه
اعمانا التقليد....
مالك يا ليام
حرنت جفلت
ماطمعت فيك تباتي ف شان
تصبحي مندمة قومان
لعشقتيه يفرفر بلا جنحان
تحسيه فرحان
توهميه حياتو سعيد
العيب فينا ماشي ف الزمان
قلوبنا مشتى ناقصنا التوحيد
عايش وحداني
كاسي فريد
معك داوي
يا لوليد:
31/10/2018
بقلم محمدالبراقي الحسناوي
[31/10 19:11] محمد البراقي الحسناوي: بعنوان: السحاب بكات
السحاب بكات
السماء ظلام بالغمام
الگمرة غابت
النجوم تقلب فين تبات
حملت السهول
كبت ف الويدان
غسلت همموم الجوف
من داك
الجدام...
الحرف شكا
الحال تفاجا
كان بالغدايد شبعان
ريحت التراب عطات
البكمة فرحانة
زنيگة خضرة
الغريق ف الفدان
الماء فوق الارض
عوام....
السكات
سكاتو حكايم
قليل النية طريقو ظلام
الساكت حسبوه قفالة
مقفولة مكفية
مزمومة على
الدوام...
فى بحور الدنيا تايه
في البر سايح
كن ما كان البيض
مايجي ولد الحنش جايح
هزو الغيض
رافع راسو هايم
كن كان فالح
شلا كلام
طاح سمه وسومو
غارق ف الويل
حتى لحزام
بحلم يفسر
الاحلام....
ليام عطات
لهدك العلام
تلقاه مساوي ليام
مقوس لعمامة
تصباطو بلغة
لباسو جلابة وسلهام
لكلام لدازو
يمسحو من اودانو
قلة الفهامة ولا ندامة
الفم المسدود مايدخلو دبان
مخه غالب ع التخمام
لبعقلو مايتلام
الدنيا جمعت طرفها
تقرا ليكم
السلام:
31/10/2018
بقلم محمد الحسناوي
[31/10 21:00] محمد البراقي الحسناوي: بعنوان: الا كنت نظام
الا كنت نظام
حيد الكمامة
گفظ لكمام
سرط الحكمة
سول ليام
اعلاش عطات بالگفا
خرجت
لحكام...
كانت الكلمة كرمة
طالقة عروقها في الما ء
حلاوتها زبيب
نخلة تحلم بالتمرة
عروشها للسما ء
بگرة حلابة
تحلب سطل حليب
في البرمة يريب
عجل ترميه كل
عام...
غنم ولافة
خروف صوفتو سلهام
لدهم مربوط تيحنحن
سلاح دايزو
لكلام...
كيف ندير ف ليلتي لهببلة
جدبت الطلبة ولعوام
لحمام تيگرگر
طالق جناحو ع الرسام
سلبوني العيون
الوشمة بين الحجبان
بقيت مسكون
عشقت مولات لوشام
مديت ايدي
تكوا قلبي
نار بلا دخان
مظلمة الدنيا ظلام
شديت القنت
تخمامي تخمام
الا كنت نظام
فيق من لحلام
لبس الحجلة ريش النعام
خلي الحروف عشقك
تحزم لقوافي
ربطها ف الحزام
تفكرها ع الدوام
المجاديب يهزو لعلام
يصدو الگدام
كل واحد ف وادو
عوام:
31/10/2018
بقلم محمد البراقي الحسناوي